على طول الحياة نقابل ناس و نعرف ناس و نرتاح و يا ناس عن ناس و بيدور الزمن بينا يغير لون ليالينا و لا ننسى أول قارئ أول من سطر سطر هنا فى عندليبيات و ترك تعليق و ترك تشجيعه لى ( البدرى 212 ) أديب جامد أوى يا جماعة البلوج بتاعته حتلاقوها على الهامش هنا
البدرى ربنا رزقه ببنوته جميلة و سماها جميلة
ربنا يخليهالك و تتربى فى عزك و نشوفها أديبة
جامدة كده زى باباها
13 comments:
الف الف مبروك
ربنا يجعلها مولوده السعد والهنا
و الله المرة دي بجد مش عارف أقول أيه ، كل كلمات الشكر مش كفاية ، أنت فعلا الواحد يفتخر بصداقتك ، ربنا يكرمك و تشوفى أحفادك أنت و جميع السامعين ، و أسئلكم جميعا الدعاء لها تخرج من الحضانة علي خير
البدري
مبروك ليه وعقبالك
بالنسبة لموضوع عبد الناصر فأنا هبقى أنشر البوست قريب ان شاء الله
بس سامحينى لو اتأخرت عشان أنا اليومين دول فى مرحلة يجوز أن نطلق عليها مرحلة منيلة فى حياتى مش عارف أكمل فى المحاماة ولا أدور على شغل تانى اللى فى الغالب مش هيكون وظيفة عشان أنا مابحبش الوظايف عشان كده دلوقتى مشغول بدور على مجال الشغل فى تكنولوجيا المعلومات عشان أبدأ أتعلمه وبالأخص انى كنت بدرسه أيام الكلية بس سبته عشان أركز فى القانون
وبخصوص المرة اليتيمة اللى زرتك فيها
فأنا جيت مدونتك كذا مرة بس ماعلقتش
يمكن لما تعرفى ان دى سادس مرة أمسح التعليق وأعيد كتابته يمكن تعزرينى
ونفس الموضوع فى السيناريو اللى بعتهولك فجأة كده قلت أبتدى أسوقه لمنتجين زى ماهو كده وان عجب حد فيهم يبقى ساعتها أبقى أنهيه وفى نفس الوقت قلت أشوف رأى الناس فى اللى كتبته عشان لومانفعش أكتب سيناريوهات يبقى أقفل الموضوع ده عشان كده بعتهولك وبرده بعته للفنان خالد الصاوى على بريد لقيته مكتوب فى المنتدى بتاعه كتباه وينكى وبتقول انه بتاعه ولسة ماجنيش رد منه أو منك وبرده بعته لواحد من أصدقاء المدرسة العربية للسنما على الانترنت امبارح بعد ماعرضت عليهم أن اللى عاوز يقرأ السيناريو يبعت ميل وبالمناسبة هو انتى صديقة للمدرسة ولا لأ
على العموم المدرسة حاطة مقررات للمنهاج السنمائية على النت وفى جروب على الياهو لأصدقاء المرسة فلو مش مشتركة فعنوان المدرسةعلى النت هو
http://www.arabfilmtvschool.edu.eg/mainpage.asp
شكرا
إزيك يا قمر
عاملة ايه
مبروك ليه بجد وربنا يخليهاله
وتبقى حاجه عظيمة اوى
وعقبالك يااااارب
ميرسى أوى على إضافتك اللينك بتاع مدونتى
تحياتى
جميل اعترافك و وفاؤك لاول تعليق و لصاحب اول تعليق..و أذكرك يا عاليا انك صاحبة أول تعليق في مدونتي..و انا متفائل به دائما..
الف مبروك
:)
بورك الموهوب و شكرت الواهب ورزقت برة وبلغ اشدة
تحياتى
الف مبروك
ويارب تكون أجمل بنوته فى كل حاجة
ربنا يخليها له ويجعلها من الذرية الصالحة
تحياتى لكى
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso.(If you speak English can see the version in English of the Camiseta Personalizada.If he will be possible add my blog in your blogroll I thankful, bye friend).
مبروووك يابدري
يارب يخليهالك ويخليك ليها
شكراا ياعاليا عالخبر ياسكر
:)
أسكندرانى أوى :)
دايما سباق و صاحب واجب و فيك الخير يا ابو اسكندر
البدرى :)
ما تقولش حاجة أنت أنسان طيب و محترم و تستاهل الواحد يديك حقك و ما فيش واجب بين الاخوات و ربنا يطمنك على جميلة أن شاء الله
أبو لهب :)
أول ما فتحت البلوج أنهاردة شفت شرار طالع كده و نور جامد أوى ... منور و الله و مشعلل البلوج ع الأخر و أشكرك على الأهتمام ده و ربنا يعينك و تحقق مرادك أن شاء الله أنا بعتلك اميل فى راى فى السيناريو ارجو ان يكون وصل و بالنسبة للأستاذ خالد معلش اصبر عليه شوية عشان هو غى زنقة شغل اليومين دول أنما هو ما بيتأخرش عن حد
برنسيس دود :)
أزيك انتى يا قمر لا شكر على واجب احنا نطول نضيف برنسيسات عندنا ؟
براستوس :)
طبعا لازم يكون فيه وفاء لأول تعليق مش عندليبيات بأه أشكرك على انك بتقول انك بتتفاءل بتعليقى
غمض عنيك :)
الله يبارك فيك
الطائر الحزين :)
كلماتك جميلة جزاك الله خيرا
bos bos :)
نورتى يا قمر و الله يبارك فيكى
camiseta :)
thank you very much...i will reed any post from your blog first..iam happy with your comment
بسمة الغالية :)
الله يبارك فيكى يا عسولة
السلام عليكم
ربنا يباركله فيها
وتكون ابنه صالحه
انت بجد انسانه وفيه وعندك اخلاص
ربنا يكرمك يا عاليا
بوسى :) :) :)
ياااااااااااااااااه أيه الغيبة الطويلة دى ؟ الله يبارك فيكى و يكرمك يا قمر
Post a Comment