دعاء

أدعوكم لدعاء موحد من أجل غزة عقب صلاة الجمعة 2 يناير

رجل خرافى

قال لى رجل خرافى

ان بحرا ضاع منى قديما

امواجه ستعود تنادينى

من بين شفتيك

و ان أفقا واسعا تجاهلنى طويلا

سيحدد معى موعدا

عند أعتاب عينيك

رمى لى بمنديل

منقوش عليه طعن فى مخاوفى و أحزانى

فأنت لست ذلك المتعجرف

و العصبى و المتسلط و الأنانى

و لا المتبلد و الخائن و الشهوانى

و فتح لى صندوق

به رؤس حسناوات تناديك

و رأيتك المسكين التائه

و العفيف الحائر

تقاومهن و تشقى بحرمان يضنيك

و أكد لى أن حنانا أبحث عنه

بذرته بين ساعديك

و انك الأب و الأخ و الأبن

و الأمان و السلام و الحماية

و أطلعنى على وجه حبك المرسوم

فوق أروع رواية

لكن فى مخابئ حروفك

انفكت شفرات الحكاية

انتفضت و أنتبهت

و عدت سريعا لطريقى القديم

عدت أعافر فيه الملل

و الحلم العقيم

لا ... لست انت

ذلك الطفل الباكى فوق أكتافى

و لا المهموم الذى ناصره هتافى

جداريات فتوحاتك أكذوبة

و الرجل الذى حدثنى عنك

خرافى

يا أميرى

يا أميرىتوجت الدموع
و ملكتها عرش حياتى
فى غيابك
فتنحت السعادة عن بلادى
يا أميرى

أبهجت الحزن
و أعليته قدرا
بلا مبالاتك
فتمادى فى ظغيانه
مدمرا فؤادى
عمر العذاب طال فى هواك
متى تحين ساعته الأخيرة
مازالت الشمس تنتظر هناك
يوما أخبرها فيه :
ترفقى و أخمدى نارك
اليوم أسير أنا و أميرى فى ضياءكمازالت دمائى تحلم
أن ترفع رأسها فى حفل الحياة
معلنة : يا مخلوقات الله
بداخلى أنا ... أغلى الرجال
بداخلى هنا ... أغلى الرجال
أما البحر
كم شدا فى اعماقه
أمر الأغانى
و تحمل أسياخ الأنتظار
و لسعة أصعب الأمانى
و لا زال
يحمل كلمة أضناه سجنها
و شاطئه الشهيد
يطلب تكريمه بلفظاها أحبك و لو أنى أنفاسا
تخرج منك
لكنت مخلوق أرفع شأنا
يضاهيك فلا تفارقه
يا أميرى

حبيبى يعشق الوطن

رغم أن الشمس تشرقرغم أن النيل يجرى فى بلادى
أنغام صوتك
تحنو عليا و تشفق
رغم أنك أنين فؤادى
يا عاشق الوطن
ديارى رؤياك
لا تخرجنى من ديارى
أمجادى لحظات لقياك
لا تهدم امجادى
يا باكيا أمه عيناك أولادى
أخاف عليهم
أن تركوا أحضانى
و أشتاق أليهم
و هم فى أكبادى

-----------------
رغم أن الشمس تشرق
رغم أن النيل يجرى فى بلادى
ماضى الأنتصارات
بالأمل يعنق
رغم أنك تحتل فؤادى
أيها الفارس الأصيل
لماذا تزيف أيامى
بأستعجالك الرحيل
يا رجل العادات
كفاك تصرع حقى
فى هواك قتيل
يا ابن الحارة يا معتنق العنتريات
أسرتنى فى نفسى
و هل من العروبة أسر الفتيات ؟

----------------------
رغم أن الشمس تشرق
رغم أن النيل يجرى فى بلادى
أخبارك بجراحى ترفق
رغم أنك جرح فؤادى
يا صوت الفراق يطاردنى
يا أحلى العمر ينسانى
لا تتركنى وحدى بالوادى
يا رجل البطولة
أسمك عنوان حياتى
أنفاسك أمتداد لأجدادى
أنا أنثى فى هواك بلا حماية
جوادى القرب منك
لا تسلبنى جوادى
أيها النجم
لمعتك تطريز يدى
مهما أشارت عليك أيادى
ولونك هوايا
و مدارك عينايا
رغم أنك تستبيح أستعبادى
كفاك تحطم أوتار قلبى
كفاك تجرح الألحان
أشودة حبى أدماهاأنتظار الشادى

خسارة

فى احدى روائع ( حسن لأمام ) فيلم ( السكرية ) مشهد يظهر فيه ياسين ( عبد المنعم ابراهيم ) يسير خلف عائشة( هدى سلطان ) التى ترتدى البيشة و الملاية اللف أى لا يظهر من مفاتنها شء و مع ذلك ينطلق فى مغازلاتها مبدعا متالقا ( يا حلو يا أبيض .. ادينى أطة ) فتدير له و جهها مستعدة لرفع الشبشب و ترفع البيشة ليفاجأ بانها شقيقته

!!!!!!!!!!!!!!!!!

ه . ن : 28 سنة ، خريجة جامعة تبحث عن عمل
كنت راكبة مرة ميكروباص طلع قعد حنبى راجل كبير شكله يدى حوالى 45 سنة فى الحدود دى لزق فيا اوى فقلتله من فضلك أداخر شوية
الرجل : ( بصلى بأستنكار و قالى ) : عشان الى حيطلع يعد دلوقتى انا بوسع لاس مكان
طلعت فعدت جنبه واحدة ست ، راح لازق فيا اكتر و أكتر و فتح رجليه الأتنين على البحرى بحيث بقت كل رجل على رجل واحدة فينا
قلتله : لو سمحت أعد حضرتك على الحرف و خلى المدام تيجى تعد جنبى أنا مش عارفة اعد كده خالص
الرجل : ( غمزلى بعنيه و هو بيطلع لسانه ) لا
قلتله : ده المفروض
الرجل : ( بسخرية ) المفروض ... أه ... ، المفروض لو مش عجبك أركبى تاكسى و لا ما تنزليش من بيتكوا خالص
توصفى الراجل ده بأيه ؟
هايف و بيحقر من نفسه لأنه واضح انهراجل كبير و بصيت على اديه لقيت فيها دبلة يعنى متزوج و انا زى ما انتى شايفانى لابسة اسدال و متغطية من ساسى لراسى يبقى ده تفسيره ايه غير انه تفتهة و عقل فاضى

تحبى تشتركى فى جمعيات توعى الفتيات يتصرفوا ازى فى المواقف الى زى دى ؟
الجمعيات دى تتعمل للرجالة و الشباب الى بيتحرشوا مش لينا لانهم محتاجين أعادة تربية تانى أو علاج نفسى ، انما احنا عارفين نعمل ايه فى كذا طريقة و كلهم مش نافعين و لا بيجيبوا نتيجة مع الناس دى حتى اللجوء للسلطة مش نافع ده العسكرى و الظابط بيعاكسوا
لما بتتعاكسى بتحكى لاهلك فى البيت؟
لا طبعا ... أستحالة
ليه ؟
لأنهم ببساطة حيكون الحل الأمثل من وجهة نظرهم أنى اعد فى البيت و حتحرم من طموحى و أصدقائى و البيت كله مشاكل و انا مش حستحمل
-------------------------------
س.ط : خريجة جامعة حديثة :
كنا فى جمصة و نزلت مع اخواتى البحر و انا فى البحر بلبس بلوزة و اسعة و بنطلون محستش بنفسى لقتنى دخلت جوه و أخواتى مش حواليا ، حسييت بأيد بتتلف حوالين وسطى بطريقة جامدة أوى حسيت ساعتها أن ضلوعى حتتكسر ، طبعا لقيته راجل طويل عريض ماسكنى من ضهرى ، صرخت جامد و ندهت على أخواتى و انا بشتم فيهطبعا الى فى البحر و الى قاعدين على الشط فهموا أن فيه حد بيتحرش ببنت ألتلموا كلهم عليه أخواتى و بابا و الناس و حارس الشط كمان دخل معاهم و عينك ما تشوف ألا النور
بس من يومها و أول ما خلصت امتحانات السنة الاخيرة فى كليتى و بابا قالى انسى أنك تشتغلى أو أنك تشوفى الشارع تانى ، ما بقتش أخرج ألا معاهم و لزيارة أحد أقاربنا و يكون سبب الزيارة عزاء مثلا أو مرض أفراح أو أعياد ميلاد ممنوع
طب ليه ؟
بابا قالى أذا كان حصل كده و أحنا معاكى امال لوحدك حيحصل أيه؟
تحبى تشتركى فى جمعيات توعى الفتيات يتصرفوا ازى فى المواقف الى زى دى ؟
بقولك ممنوعة أخرج من البيت
توصفى الراجل ده بأيه ؟
قذر و سافل و ربنا ينتقم منه لانه حرمنى من مستقبلى و هو السبب فى العريس الى غاصبنى عليه دلوقتى كلهم بيوله لازم اتستر و اريح بابا من همى ... و أنهمرت فى البكاء

----------------------------

أ.س : 14 سنة :
كنت فى محل أحذية فى شارع فؤاد مع بابا و ماما و أخويا الصغير ، البياع و هو بيقسلى الجزمة حط أيده على كتفى و قالى أقفى يابنتى الناحية دى و البسى الفردة كان ضهره لبابا و ماما و اخويا و كانوا باصين ليا ... لقيت أيده نزليت من على كتفى وصلت لصدرى و فضل ماسكه و أنا مش قادرة أكلم كل الى عملته بعد ما خرجنا عيطت و بابا و ماما يسألونى مالك أقلهم بطنى وجعانى و طبعا ما كانوش مصدقسن يعيدوا السؤال و اجاوبهم نفس الأجابة لحد ما روحنا البيت و ماما مسكتنى تستجوبنى
طب سكتى ليه مدام باباك كان موجود ؟
كان اول مرة تحصلى حاجة زى كده ... خفت .. مش عارفة بصراحة ايه الى سكتنى بس انا ما بقتش عارفة اعمل ايه و انا قلت لماما بينى و بينها ده عاكسنى مقدرتش انطق الحقيقة و قولتها قولى لبابا عشان يرجع يربيه قالتلى اكتمى أنتى عايزة توديه فى داهية ؟ .. أصل بابا عصبى اوى و لما بيتعصب ما بيعرفش هو بيعمل ايه ده مرة رفع على ماما السكينة عشان اتظاخرت فى عمل الأكل و كان عازم ناس و لما روحنا قعدت تقولى لما حد يعاكسك تهزأيه و كده و حجبتنى بعدها و منعتنى البس بناطيل
توصفى الراجل ده بأيه ؟
غبى و متخلف
تحبى تشتركى فى جمعيات توعى الفتيات يتصرفوا ازى فى المواقف الى زى دى ؟
أه .. يا ريت أنا م ابعرفش اتصرف فى المواقف دى خالص
-----------------------------------------
م.ر : طالب بأحدى كليات الفنون
ده شباب مش متربى و فاضى
لو شفت بنت بتتعرض لمعاكسة و تحرش حتتدخل ؟
أكيد طبعا ، أنا ليا أم و أخت و المواقف الى ذى دى بتستفزنى و عادة الشباب الى كده بيبقى جبان و بيجرى على طول
توافق أن الشباب الى زى دول يشتركوا فى جمعيات توعيهم من أضرار الى بيعملوه ؟
الحل مش فى الجمعيات المشكلة بذرتها الأساسية فى البيت . أحنا بعدنا أوى عن الدين ، المصحف محطوط فى اليوت ديكور و لما حد بيربى أولاده على تعاليم الدين الصحيحة بيتهم بالتشدد و الرجعية و أنه كده حيتعقد لما يكبر و على الجانب الأخر البرورنو الى دخل كل البيوت و البركة فى عصر السماوات المفتوحة ... يعنى بورنو مع غياب دينى حيطلع شباب عامل ازاى ؟

--------------------------------------
ح.م: قارئ مستديم بمكتبة عامة 40 سنة
بصراحة البنات هى الى عايزة كده ، عايزين يتعاكسوا ما تقوليليش الحجاب أنتشر هو الى بيعملوه ده حجاب ؟ أنا بشوف بعينى محجبات و منتقبات بيشربوا شيشة فى الكافيهات و ضحكتهم جايبة لاخر الشارع و الشيخ ( خالد الجندى ) قال قبل كده فى برنامج معروف أن فيه بنات بتتحرش بالشباب ، و كمان السينما زودتها أوى بصراحة مش ملاحقين على( الحاجة أيناس الدغيدى و لا القديس يوسف شاهين و لا صاحب العفة خالد يوسف ) منتظرة أيه من شباب محروم مش عارف يجوز بيشوف مشاهد زى دى فى السينما الى أثبتت دراسا عديدة فى علم النفس انها لها سحرها و تأثيرها و انها اداة لا يستهان بها فى تحديد سلوك المجتمعات
يا أنسة انا أعرف رجالة كتير بتدخل السينما بس عشان تشوف المشاهد الجنسية و الى يضحك بجد أن فيه فنانين يوم واقعة التحرش فى وسط البلد أعدوا ينددوا و يستنكروا و كدة .. طب ما اصلا اتنين من زمايلكوا هما الى أتسببوا فى الواقعة دى لما خرجوا فى الشارع قدام باب السينما فى حفل افتتاح فيلمهم و هاتك يا رقصو لموا الشباب حواليهم و انتى عارفة رقص السيدة الفاضلة دينا و ربة الصون و العفاف علا غانم و لبسهم عامل ازاى
و انا احب انتهز الفرصة و أسأل صناع السينما فى البلد دى أنتوا بتقولوا انكوا تقدموا المشاهد دى بنية التوعية ، بقالكوا كام سنةبتقدموا و محصلش اى توعية بل بيحصل العكس و برده مصرين على تقديمها له ؟ ... طبعا أحنا شعب متخلف مش مقدر مجهوداتكوا العظيمة
بس أنت كده رميت كل حاجة ع السينما و عممتتفتكر حضرتك لو واحد على خلق وصاحب مبادئ حيتغير من مشهد سينمائى ؟
بصى أنتى عايزة تدافعى عن السينما براحتك بس مش فى حوار زى ده ، المفروض تكونى محايدة فى أى حوار بتدريه
ما جاوبتش على سؤالى ؟
أه أفتكر ، احنا شعب متدين و الحمد لله أنا أعرف رجالة هجرت زوجاتها الى عشن معاهم على الحلو و المرة عشان جسمها و طريقتها فى ممارسة الجنس مش زى الممثلة الفلانية أو المطربة العلانية و العكس حصل ده مع ستات برده بيقارن بين زوجها و ممثلين بيتفرجوا عليهم و زوجها غلبان بيرجع تعبان و ينام
و يبقى برده الغلط على السينما و لا على الناس دول ؟
لا طبعا على السينما و الممثلين و أنصحك لللمرة التانية بالمحايدة فى حواراتك خصوصا أن شكلك صغير و فيه حاجات كتير فى الواقع لسة ما تعرفيهاش
لو شفت قدامك واقعة تحرش حتتدخل ؟
لا .. و أنا مالى عيل يكون طايش شايل فى جيبه مطوة و لا حاجة ، بصى أهالينا ربونا على أن ما تتعاكشس ألا الى عايزة تتعاكس مدام هى باه عايزة تتعاكس أنا أدخل ليه ؟
توصف الشاب أو الراجل الى بيتحرش بأيه ؟
محروم و الضغوط عليه كتيرة نساعده و نقف بدل ما نجلده فى ميدان عام
نساعده أزاى ؟
يعنىالأب المقتدر مثلا يوفر لأبنه مكان يجوز فيه أو يساعده و أهل البنت ما يتشددوش فى المهر و الشبكة و الحاجات دى للعريس الى يتقدم لبنتهم و الراجل المتزوج زودجته تديله حقه فى الأهتمام و تحاول بأستمرار تكون مرحة و مبتسمة و تحل مشاكل البيت بعيدد عنه و فى هدوء و تهتم بجمالها
أيه رأيك فى الانضمام لجمعيات توعى الشباب ده من أضرار أفعالهم دى ؟
لا ده تضيع وقت حيعدوا يرغوا و يتفذلكوا و الحاضرين يناموا فى الندوات يشوفوا حل تانى
أنت ما ردتش أكتب أسمك الحقيقى ليه ؟
أنا حر

--------------------

حسن عوض : 30 سنة عامل بصيدلية :
كل ده بسبب خروج الست لعمل لو كل واحدة أتفرغت لتربية أولا دها و سابت الشغل للراجل ما كانش حصل البلاوى الى بنسمعها دى ... تستحمل بأه
بس أنا أعرف أن المعاكسة و التحرش من قديم الأزل ؟
أيوة بس ما كانش بالشكل الفظيع ده

----------------------------

أسامة حمدى : 22 سنة طالب بكلية التخطيط العمرانى
أنا رأى حيزعل رجال كتير منى ، أنا شايف الراجل الشرقى أتربى تربية غلط و ثقافة تأخر العقل مش تقدمه و سامحينى فى اللفظ الراجل الشرقى و المصرى بالتحديد ( بيريل ) على أى واحدة أنا بشوف بيعنى منتقبات فى الأتوبيس بتتعاكس أزاى مش فاهم بس هو هبل و جهل و كبت جنسى و خلاص

أزاى منتقبة و بتتعاكس ؟ !!
يعنى مثلا مرة واحد قال : ( سيبك أنتى ما فيش أحسن من الجمال المستخبى )
بتتدخل فى المواقف دى ؟
أه طبعا و على فكرة كلهم بيبقوا فى منتهى الجبن
أيه رأيك فى الانضمام لجمعيات توعى الشباب ده من أضرار أفعالهم دى ؟
أه ، لأن فيه بنات كتير من هول الصدمة ما بتعرفش تتصرف و بيخافوا يحكوا لأهاليهم و أنا بقترح أن يصدر قانون يسمح للبنات بأستخدام لعبة زى الكارتيه مثلا كوسيلة للدفاع عن النفس

---------------------

نشر فى كلمتنا

_

لأنك فيها

أحب الدنيا لانك فيها

تغضب كما تشاء او تقتل أغانيها

أحبها و هى قصتى

ساظل للعمر أحكيها

أيام جراحها طالت

و نصيبى حزين من لياليها

أنت أبتسامتها الوحيدة

و عيناك أجمل أمانيها

سل النجوم و القمر

سل العصافير و المطر

كيف صرنا أصدقاء

و كيف غادرت الدموع مآقيها

سل القلب و دماء الوريد

سل السعادة فى سجنها

و منفى الحب البعيد

كيف تحررت أبتساماتى

و صارت جفونك أراضيها

نعم .. بعت أحلامى للدنيا

و صرت أضحوكة فوق مسرحها

تجرحنى الدنيا و لن أجرحها

و لو طلبت الأيام

سأحملها على كفى

و أتركها لها تشقيها

لها ما تشاء يا حبيبى

ما دمت أنت فيها

سلها تمضى فى عذابها

و تروى بدموعى ساعاتها

اذا كان لقاءك ثوانيها

لو بيدى ألملم زهورها

و لك أهديها

و أنشرها قصائد للبشر

و أشرح هواك معانيها

أهواك .. و يسخر منى الأمل

و يتوارى من أهاتى الحنين

و يعطيها للدنيا تقتنيها

تسلب الأهات

أو تقتل أغانيها

أحبها و هى قصتى

سأظل للعمر أحكيها

سأظل أحب الدنيا

لأنك فيها

المبدعون فى الأرض -4

شبابنا طموح و مثقف و الدليل ..... مصطفى الحسينى ( صاحب البوابة

http://elbawaba.blogspot.com

كثيرا ما يتهم هذا الجيل بالتكاسل و التواكل و سطحية اهتماماته ، كثيرا ما يتهم هذا الجيل بتهميشه للقراءة و الثقافة و عزوفه عنها و توفير كل وقته و جهده و ماله للفوز بعضوية مركز الدراسات العجرمية و الروبية .. و لكنى أكتشفت أن تلك الصورة قد تكون مضادة للواقع تماما و لا يجب تعميمها و الدليل ... مصطفى الحسينى

مصطفى الحسينى مهندس مدنى عمره 25 سنة بالأمس القريب ألتف حوله أصدقاءه و شاشات التليفزيون للاحتفال بلحظة أفتتاحه دار النشر و التوثيق الخاصة به

احكى يا درش

انا قارئ نهم كنت بعانى فى حصولى على الكتب و معاناتى ما كنتش فى مكان بيع الكتبا او سعره بس كانت فى ( أعرف منين أن الكتاب الفلانى فى المكتبة او الدار الفلانية ) ما كنتش بلاقى معلومات تفيدنى بسهولة و من كتر حبى للقراية عايز الناس كلها تقرا و أقدملهم الكتاب بطريقة سهلة و ده خلانى أبتديت أبحث ادور و وصلت للاحصائية دى

** متوسط الكتب التى تطبع و تنشر فى مصر هو 9 ألاف كتاب سنويا بمعدل 750 كتاب شهريا فى المتوسط
** تصل نسبة 25% فقط من هنها الى المهتمين بما يعادل 2250 كتاب سنويا ، أو 178 كتاب شهريا و تظل الغالبية العظمى من الكتب مجهولة للجمهور
** يصل الى الجمهور المصرى 25 % فقط من الكتب الجديدة عن طريق عدة وسائل هى :
1- ما ينشر عنها فى الصحف و المجلات بنسبة 32 %
2 - عن طريق الأعلان عن شبكة الأنترنت بنسبة 30 %
3 - عن طريق الصدفة بنسبة 17 %
4 - عن طريق زيارة المكتبة بصفة دورية بنسبة 14 %
5 - عن طريق الأهداءات و المعارف بنسبة 7 %
6 - هناك 97 دار نشر مصرية مسجلة رسميا يعرف الجمهور المهتم منها نحو 15 دارشهيرة فقط
7 - هناك أكثر من 3 ألاف كاتب مصرى معاصر لا يعرف الجمهور المهتم منهم سوى ما يقرب من 200 كاتب

نحن نحترم الكتاب

الفكرة لمعت فى دماغى أكتر لما لفت نظرى أن فى محرك البحث الشهير ( جوجل ) جاءت كلمات ( كتب - الكتب الجديدة - المكتبة - جديد دار النشر ) يعنى الناس عايزة تعرف تجيب منين الكتاب المطلوب زى فعزمت على أنشاء دار لتوثيق و نشر الكتب شعاره ( نحن نحترم الكتاب ) على النت البداية و لسة مكان الدار بنعمل انا و زملائى على تجهيزه حاليا

ما صدقتش نفسى و أنا بتعاقد مع أهم دار نشر

لا تتخيلى كم الكلمات الرائعة التى سمعتها انا و شركائى من أكثر من دور نشر أثناء تجميعنا للمعلومات ، ما صدقتش نفسى و أنا فى أكبر دور نشر الى بتنشر حصريا للعرب الحائزين على جائزة نوبل ( دار الشروق )، لما سمعوا منى الفكرة فى قسم التسويق و دخلونى على طول على الأستاذ ( سيف ) مدير الدار بنفسه الى أعجب جدا بالفكرة و تعاقد معانا على طووووووووووول و ادانى قاعدة بيانات الدار خرجت يومها من عنده و انا مطمن أن لسة فيه ناس فى مصر بتؤمن بفكر الشباب و بتشجعه .. و أنا لسة بعمل جاهدا على أستكمال المسيرة عشان أكبر الموقع و يبقى دار كبير بيهدف لأنشاء ألية جامعة تربط فى سلاسة بين الممتجين ( الكاتب - دور النشر - الكتبات - القراء - ) و اجمع فيه بيانات المؤلفين و دور النشر و السعر و مكان الكتاب بطريقة سهلة و بسيطة و جذابة

كانت البداية فى 2008 و ان شاء الله حكمل أكبر حلمى عشان أرجع أصالة الكتاب من تانى و ننطلق به نحو افاق عالمية

www.daralkotob.net

 

-------------

نشر فى مجلة كلمتنا

girl friend

يا أنتِ ... خبريني
هل أنتِ بشر مثلي ؟
تأكلين و تشربين ؟
و من عيون هذا الرجل تتنفسين ؟
أم أنكى جسد بلور و وجه ياقوت
فجعلتيه يراه صفيح معيني
خبريني
---------
يا أنتِ
هل من أحزانه الليل تسهرين ؟
و من افراحه للدنيا عرسا تقيمين ؟
و حتى تقبلكِ الحياة
لضحكته تنادين ؟
فجعلتيه يراه تافه حنيني ؟
خبريني
---------
يا أنتِ
أأنتِ الحلم الذى يتمناه ؟
هل إهتدى عندك لما يرضاه ؟
معقول !!! رفيقة طريق
تكون هى المبغى و الحياة
و هل لكِ مكان بعد نهايته
أم نهايتك بمنتهاه
و ستأتى بعدك من تكمل مشوار أنيني
خبريني
------------
يا أنتِ
هل رأيته يستيقظ فى فراشه
و يعارك الكسل كالأطفال ؟
داعبتي يا أنتِ بشرة اغلى الرجال ؟
صفي لي المشهد
فقد رضيت بفتات المحال
أكلتى و شربتي معه ؟
كيف تتهيأ التفاحة ليديه ؟
عرفتى أنواع عطوره
و خامات ملابسه
و وزن أوراقه ؟
خبريني
-----------
يا أنتِ بالله عليكى خبريني
ما ملمس جبينه
و ما لون الهوى المرسوم
بين خصلات شعره
و لأي مدارس الفنون تعود
منحوتات عضلاته
و ثنايا جسده
و الدفيء الساطع من مسام جلده
ربيعي ؟
أم فصل لم ياتى بعد مثله ؟
وعندما يمل منكي ..سترحلين ؟
أم لسيوف الأنوثة ستشهرين ؟
و لحظتها ساتوارى أنا مهزومة
فسيوفى يا أنتِ مُحرمة
فى جواربها مخمودة
كل أسلحتي غرام أعدموه حروفه
و مثلوا بجثته أشعاره
و حرمان إلى متى
يعيش ليشقيني
خبريني

صهيل ادمعى

أيها العائد عما تسل

خلت من الحب يدى

لست بصاب فى بعدك

فى بعدك وجدت سلوتى

تلك الجفون سكنت بالألم

هى حسام غدى

كلما جرى بالبعد عنك

دوى الصهيل فى معبدى

حوافره

أدمع جعلتها أليفتى

و قلبا ودعته أمسا

هو لجام رخا بحرقتى

فوقف الحسام منتظرا

بروضة الملتقى لتسمع ضحكتى

و ترى الجمود و النسيان

يحتفلون بصحبتى

صرت لا يطربنى الا

فى الهجر منشد

و عدوت بخيلى فوق ناى

شدى صاحبه :يا حبيبتى

فترقب كيف أخترت دنيتى

و غلبت الزمن و صنعت لحظتى

لم يعد أحلى الأيام لقياك

حطمت مع الناى لهفتى

خلعت من الروضة زرعتى

لم أعد زهرتك .... لم تعد زهرتى

ذو فنون كنت فى خداعى

فعلمتنى كيف أنحت جنتى

قف فى ميدانى تأمل هيجاء وجدك و هنأتى

كل لاقى الحين

و شفى الجميع الا طبيتى

كل حبرى نزول السفى

حب أبله غادر دنيتى

رنين ضحكتى لو تصغى له

أنما هو صهيل أدمعى

------------

من حبيسات الدرج

أمي

أمي

جلست أكتب فيكي الشعر

فأصاب العجز قلمي

أين من صمودك وأحتمالك

خيالي و صوري

يكفي أن تعلمي

أن شكوايا من الدنيا تتوارى خجلاً

عندما ينبض بألمك قلبي

ماذا لو قلت أحبك ؟

-->

يا حلمي المستلقى فوق كَتِفَك

يا إبتساماتى المولودة من أطراف نجمك

يا أحضاني الموءودة فى صدرك

يا راحتي المغيبة

و سعادتي المعاقبة

و قلبي المنفي

منذ أبد الأبدين

يا عيون الأساطير تداعبني

حطم زنزانة الآهات و أنشاني

إنزعني من ظلمة الوحدة انزعني

و إهزمنى فى سباق العمر

و حاوطني بحنانك

ألحان الحب كلامك

أنفاس الورد سلامك

أحبك

ماذا لو قلت أحبك ؟

لماذا يحتكر الرجال كل شئ

حتى الحب

لماذا أتضرر موتا

أثر قانون البطولة الشرقية

لي دم ، و لحم ، و عظام مثلك

لي قلب ، و شرايين

تضخ فيها الأشواق

تفزعنى كل ليلة مستجدية

أحبك

منذ رأيتك فى لوحاتي نطفة سريالية

أحبك

منذ لمستك فى قنينتي عطور سحرية

فأفسح لي مكان في هامش حياتك

أجعله قصري

و مفترق طرق ملل أستنفذتنى

هامش

لا أطلب أكثر من هامش

أحبك .. ماذا لو قلت أحبك ؟