أيها العائد عما تسل
خلت من الحب يدى
لست بصاب فى بعدك
فى بعدك وجدت سلوتى
تلك الجفون سكنت بالألم
هى حسام غدى
كلما جرى بالبعد عنك
دوى الصهيل فى معبدى
حوافره
أدمع جعلتها أليفتى
و قلبا ودعته أمسا
هو لجام رخا بحرقتى
فوقف الحسام منتظرا
بروضة الملتقى لتسمع ضحكتى
و ترى الجمود و النسيان
يحتفلون بصحبتى
صرت لا يطربنى الا
فى الهجر منشد
و عدوت بخيلى فوق ناى
شدى صاحبه :يا حبيبتى
فترقب كيف أخترت دنيتى
و غلبت الزمن و صنعت لحظتى
لم يعد أحلى الأيام لقياك
حطمت مع الناى لهفتى
خلعت من الروضة زرعتى
لم أعد زهرتك .... لم تعد زهرتى
ذو فنون كنت فى خداعى
فعلمتنى كيف أنحت جنتى
قف فى ميدانى تأمل هيجاء وجدك و هنأتى
كل لاقى الحين
و شفى الجميع الا طبيتى
كل حبرى نزول السفى
حب أبله غادر دنيتى
رنين ضحكتى لو تصغى له
أنما هو صهيل أدمعى
------------
من حبيسات الدرج
22 comments:
عارفه اللغه جميله جدا والبوست جميل بس لو كان بالعاميه الدارجه كان افضل
حلو الكلام جدا
وخسارة أنه كان محبوس في الدرج
يا تري اللوحة المصاحبة من ابداعاتك؟
في انتظار المزيد من حبيسات الدرج
خالص تحياتي
يعنى تحبسى لنا الكلام الجميل ده فى الدرج
بس حقيقى التعبير قوى جدا
وخصوصا صوت الضحكة بصهيل الدموع
افرجى بقى عن باقى المحبوسين
تحياتى
الله عليكى يا عاليا
شاعرة عربية اصيلة
كلماتك رائعة واحساسك مرهف
طارق سعودى
قرأتها للمرة الثانية ومستمتع جدا بها
الف سلامه ليكى
عرفت انك تعبانه
زعلت جدا
الف الف الف مليون سلامه ليكى
وادعوا الله لكى بالشفاء العاجل باذن الله
يا ريت متبقاش حبيسات الدرج دي كتير
محتاجين نشوف الدرج كله
يحسبة الجاهل اغنياء من التعفف
ويحسبه قصير النظر دمع وجد والم
انما هو دمع شموخ واباء حتى ولو أمام الناظر فقط!!!!!!!!!!!!!
سلمك الله من كل سوء
تحياتى
صوت من مصر :)
واضح انك بتحب الشعر العامى اكتر على العموم يا سدى جاى فى السكة
----------------
ياسر حسين :)
الف شكر يا فنان و اللوحة لا و الله مش من ابداعاتى انا موصلش للمستوى ده د انا مركباها جرافيك بس
تحياتى
-----------------
قطة الصحراء :)
و الله يا قطة كنت حبساها غصب عنى ما كانش فيه مكان انشرها فيه على العموم حطلع الباقى ان شاء الله
----------------------
طارق سعودى :)
الله عليت انت و الله اسعدتنى جدا بالزيارة
خالص تحياتى
--------------------
فرنسا هانم :)
الله يسلمك من كل رضى يا خالتى ده انا تعبانة نفسيا و كالعادة ابتدت تقلب اهيه بجسديا
لنا الله
الف شكر
--------------------
مهند :)
هم كتير الحقيقة يا مهند ما كانوش لاقيين مكان فيه و انا نشرت منهم هنا بل كده فعلا بس فيه صحاب ليا سالونى دى قديمة و لا جديدة فقلت ابقى احدد بعد كده يعنى
و لسة منهم فى الطريق اليك
مودتى و احترامى
------------------
الطائر الحوين :)
لا هى مش بتبكى قدام الناظرين هى بتضحك بس بتقول ان ضحكتها دى اصلها دموع
الله يسلمك و الف شكر على السؤال
خالص تحياتى
امممممممممممممممممممم
سلامتك الف سلامه
تعبانه من ايه بس
اية الجمال ده
عظمة على عظمة يا ست
ايوة كده طلعى اللى عندك ومتبقيش بخيلة
سلالالالالالالالالالالالالام
عزيزتى
هو صهيل دموعك ولا صراخ دموعك
ففى بعده وجدتى سلوتك
وان لم تجديها حتى
فالبعد عنه هو نجاتك وسعادتك
فهو
لم يعد احلى الايام لقياه
وانتى
لم تعدى زهرته
وهو
لم يعد زهرتك
وكيق يكون زهرتك من يوم خدعك
فهو كما قولتى
حب ابله غادر دنيتك
كلماتك جميلة جواها حاجات كتير حلوة
الف سلامة عليكى
اذا الجسد تعب لكل احساس يعصف بنا ويألمنا فلم يعيش جسد لاى انسان فى زمانا ده
اصبرح وارضى بالرضا والامل فقط
نعيش مهما كان مانعيشه
ربنا يهون عليكى كل صعب
سلام
تحفه يا عاليا
المدونه كلها على بعض تحفه
شفاكى الله وعافاكى
القصيدة جميلة فعلا
بس ارجو انك تخرجى من حالة الحزن واليأس وترجعى تقبلى على الحياة مرة اخرى خصوصا مع قدوم الربيع
تحياتى
أسكندرانى اوى :)
أممممممممممممممم
حتعرف البوست الجاى الجمعة الجاية انا تعبانة من أيه
و شكرا ألف شكر على السؤال الدائم ده برده عشمى فى الأسكندرانية :)))
انت على فكرة تعليقك ضحكنى اوى فى البوست الى فات و حسيت بعدها براحة شوية بعد ما ضحكت .. ربنا بفرحك يا رب
انما مقولتش ايه رأيك فى القصيدة
------------------------
حدوتة :)
حاضر حطلع مطلعش ليه
انما انت محسسنى يعنى انى و لا ام كلثوم :))
------------------------
أحساسى لكل النساء :)
شكرا يا حسام دايما بتقرا بالتفصيل و تعليقك بيقى مفصل
الله يسلمك ألف شكر على السؤال
-------------------
بكير :)
ألف شكر على الأطراء الجميل
--------------------
راجى :)
ألف شكر على الدعاء و السؤال
ان شاء الله بحاول أطلع منها و الله
خالص تحياتى
جميلة جداً
مش حرام تحبسي الحاجات الحلوة دي في الأدراج ؟
تحياتي
مشاعر نبيلة مغلفة بالحزن...و لكن بريق الامل يبدو من بعيد...ينير القلب
و يد الايام تترفق و تهدهد القلب الجريح
فالطب صنعتها و القلوب عشقها...بين حب
و ضني...و لقاء و فراق...اليست هي الدنيا؟....تعبث و تضحك...
تحياتي و تقديري و اعجابي باسلوبك الرقيق.
صهيل أدمعي ..
استغربت العنوان في الاول
بس بجد تسلم ايديكي يا بت يا عندليبة
حلوة أوي
عشرة على عشرة
بجد
وروعة مابعدها روعة
رنين ضحكتى لو تصغى له
أنما هو صهيل أدمعى
بجد يسلم قلمك
ماشاء الله
والله مبدعه
كلماتك ليها كعم تانى
والخاتمة تحفة
تسلم ايدك
ويعيش لينا الدرج وصاحبة الدرج :D
يا الله
هل تسخرين منا ؟؟؟
من فضلك لا تتوقفي عن ذلك
في كل امرة انوي التعليق عندك اصطدم بعبارتك الساخرة " قولي حاجة " و سخريتها تكمن في ان الكلام الذي يعلوها يحتاج الى " حاجات " كثيرة جدا لتقال عنه
من المؤسف ان كلماتك كانت حبيسة لدرج بالتأكيد لا يجيد القراءة و الا لصرخ اخرجوا هذا الابداع من احشائي ليراه غيري
سيدتي
العنوان وحده قصيدة
اقبلي تحياتي
على باب الله :)
و الله محبستهاش باختيارى يا عزيزى كنت حنشرها فين ؟
خالص تحياتى
-------------------
الربان :)
تحياتى و تقديرى انا على التعليق الى هو قصيدة لودحه
مودتى و احترامى
--------------------
بيج كود :)
تسلملى تعليقات يا واد يا شفرة :)))
-------------------
مدحت محمد :)
تسملى زيارتك الغالية
--------------------
سمسة :)
كده يا سمسة اسال عليكى كل ده و لا تطمنينى بكلمة ؟ ماشى يا ستى
حمد الله ع السلامة
دائما رقية و حساسة
----------------------
رجل المطر :)
يا الله انت على تعليقك ... أيه يا ابنى ده انا اتخدرت لالالا انا كده ممكن اخد فى نفسى قلم براحة عليا شوية دى محاولات على قدى فى الاول و فى الاخر
و بعدين انت جملة البروفيل بتاعتك اصلا عمل ادبى لوحده
اما بالنسبة للدرج فكنا مضطرة لكن حيخرجوا خلاص
تحياتى
Post a Comment