أحب الدنيا لانك فيها
تغضب كما تشاء او تقتل أغانيها
أحبها و هى قصتى
ساظل للعمر أحكيها
أيام جراحها طالت
و نصيبى حزين من لياليها
أنت أبتسامتها الوحيدة
و عيناك أجمل أمانيها
سل النجوم و القمر
سل العصافير و المطر
كيف صرنا أصدقاء
و كيف غادرت الدموع مآقيها
سل القلب و دماء الوريد
سل السعادة فى سجنها
و منفى الحب البعيد
كيف تحررت أبتساماتى
و صارت جفونك أراضيها
نعم .. بعت أحلامى للدنيا
و صرت أضحوكة فوق مسرحها
تجرحنى الدنيا و لن أجرحها
و لو طلبت الأيام
سأحملها على كفى
و أتركها لها تشقيها
لها ما تشاء يا حبيبى
ما دمت أنت فيها
سلها تمضى فى عذابها
و تروى بدموعى ساعاتها
اذا كان لقاءك ثوانيها
لو بيدى ألملم زهورها
و لك أهديها
و أنشرها قصائد للبشر
و أشرح هواك معانيها
أهواك .. و يسخر منى الأمل
و يتوارى من أهاتى الحنين
و يعطيها للدنيا تقتنيها
تسلب الأهات
أو تقتل أغانيها
أحبها و هى قصتى
سأظل للعمر أحكيها
سأظل أحب الدنيا
لأنك فيها
57 comments:
اول التعليقااااااات
لو بدنا ياحبيبى نبتدى منين الحكايه
دا احنا قصه حبنا ليها اكتر من حكايه
بحبك اوىىىىىىى ووحشتنى
وربنا مايحرمنيش ابدا منك انتى كمان حبك واسمك محفور فى تاريخ صداقتنا للابد
صوره البوست فى منتهى الرقه وكائن القصيده رقصه حب رقيقه لباليرينه
اللون الموف الجديد جميل وحالم مثل شخصك
القصيده جميله بكلماتها التى يملئها الحب الكبير والصادق والاحساس الرقيق ولمسه الحزن اللى بين سطورها
أحبها و هى قصتى
سأظل للعمر أحكيها
سأظل أحب الدنيا
لأنك فيها
جميله ورقيقه حسيتها اوى ياعاليا بكل كلماتها وحروفها واحساسها العالى
تحياتى
نبضات :)
انتمتى الغالية الحبيبة
اول التعليقات فى مدونتى و حياتى و برقتك تتحدث نبضاتى
اكمل انا باه الكوبليه
:)
نبعد عن اى عذاب
و نعيش على طول احباب
يا رب دايما احباب
و انتى كمان ربنا ما يحرمنيش منك يا غالية الباليرينة لو تلاحظى بترقص على خلفية سودة انا اقصد ده لان الفتاة الى فى القصيدة حياتها حزينة لكن حبيبها هو الشئ الوحيد الى بيجلبلها السعادة و ده السبب الوحيد الى مخليها مستحملها السواد الى حواليا و بتتقبله برقص و فرح مع انه سواد
انا بحب اللون الموف اوى عامة
و انتى عارفة طبعا
:)
انتى دايما بتحسى بكل ما هو جميل لانك انسانة جميلة
منورانى دايما و انتى كمان وحشانى اوى لازم نشوف حل فى موضوع عضوية الساقية
:)
الكلام جميل جدا تسلم الايادى يا استاذه ؟
بجد كلمات رائعة
عجبتني اوي و لو طلبت الأيام سأحملها على كفي !
بصراحة جامدة جدا
:)
دمتي مبدعة
اقدر اسمي دي حاله
ولا حاجه كده على الماشي
جميله بالرغم من الحزن المسيطر على كل الكلمات
الا اخبار حبيسات الادراج ايه مش ناويه تكمليهم
كلماتها جميله يا عالياء
تحياتي
حينما تتوقف روحى عن عشق روحك
سيتوقف قلمى عن عشق الحروف وتقبيل الورق
لذا
اعشق الحياة بكل ما فيها
لانك فيها
صوت من مصر :)
تسلم أيادى الى بيزورونى و ما بينسوش يشجعونى ابدا
و قلتلك مية مرة بلاش يا استاذة دى
وش بيزعق
:)
--------------
عبد الرحمن عايش :)
الله باه يا جماعة
:)
اخجلتم تواضعنا
دمت بود يا عبده
----------------
أسكندرانى اوى :)
أبو أسكندر يا رافع على طول من معنواياتى يا جايب على طول معاك ريحة البحر فى ايدك
:)
أممممم
هو فى اعتقادى انا انهم بيطلقوا تعبير حاجة على موقف بيكون كده ع الماشى و لا أيه ؟
ع العموم هو مش حاجة ع الماشى خالص
المفاجاة باه ان دى فعلا واحدة من حبيسات الدرج بس هى جت ماشية مع الحالة الى انا فى فيها اليومين دول
قلت اخد بخاطرها و اطلعها
بس حرمت اقول من هنا و رايح على حبيسات الدرج انهم حبيسات الدرج عشان لاحظت ان ناس كتير بتسيب القصيدة نفسها و تعلق على كلمة حبيسات الدرج و بالتالى مش بيفدنى التعليق فى شئ
:)
-------------------
ذو النون المصرى :)
اشكرك على تواصلك دائما معى
منورنى دايما
------------------
قطة الصحراء :)
لا لا لا
الكلام ده كبير انا أسكت و اعد على جنب باه
وحشتى عندليبيات
اولا النيولوك جميل اوى والبوست الى فات جميل و الشعر ده جميل موت بس انتى تغيبى تغيبى و ترجعى و كلك حماس
انتى رقيقه بجد يا عليا
بكير :)
ربنا يكرمك يا صديقى العزيز
اتمنى اكون عند حسن ظنك دايما
بس ما تنخدعش فيا يا ولد انا مش رقيقة على طول الخط
:)
ده انا عليا عصبية ربنا ما يوريك وتجربها
:)
منورنى
مليئة بالتفاؤل يا عاليا
الدفء ينبعث من حروفها
كم جميلة تلك الحالة الشعرية
تحياتي
وليد
جميله اوى ياعاليا تسلم ايدك
واضح ان الدرج مليان درر
ربنا يسعدك ويفرح قلبك
وتفضل دنيتك جلوه على طوووووول
وحشتينى اوى غيابى كان غصب عنى
خالص حبى وتقديرى
صباحك عندليب
جميلة يا عاليا
فكرتيني بغنوة معلقة عليها من الصبح
إلا إنت.. بتاعة نجاة الصغيرة
وحشتيني
:)
عارفة مش عارف ليه :)
كفاية دفئ كده الدنيا حر
هههههههههه
رايك بيفدنى دايما
تحياتى
-----------------
كلمات :)
أشكرك بجد يا عزيزتى
و انا متابعاكى و عارفة ان معاكى عذرك
منورانى دايما
-----------------
مروة جمعة :)
مساء الورد و الجمال
دى اعنية جميلة اغانى نجاة كلها حلوة
و انتى كمان وحشتينى
مودتى و احترامى
اسلوب وكلمات في غاية الرشاقة
وخاصة الجزء ده:
نعم .. بعت أحلامى للدنيا
و صرت أضحوكة فوق مسرحها
تجرحنى الدنيا و لن أجرحها
و لو طلبت الأيام
سأحملها على كفى
و أتركها لها تشقيها
تحياتي
جميلة الحالة دي والكلمات بتعبر عنها بإتقان...لكن مافهمتش ازاي البني آدم يجرح الدنيا
الدنيا تجرحنا ماشي معروفة لكن إزي إحنا نجرح الدنيا
جميل جدا
ولانك انت فيها ايضا
وان الابيض ليس حكرا على شىء بعينه ولكن عيوننا هى القاصرة
عاليا بجد وحشنى المكان هنا اوى ولكن لشيئ ما منعنى ان أئتى الى هنا ولكن انا سعيد انى عت مره اخره ولكن هذا البوست الرائع ادهشنى بجد وراء حيره فظيعه من الحزن الذى يتواجد فى داخل الحروف المكتوبه عاليا احساسك جميل جدا ويدل على شخصيه عريقه وقويه جدا ولكن عندما تعشق تكون خجوله جدا حساسه رومنسيه ضعيفه عند ألقاء بجد دمتى بخير
انيموس :)
صديقى العزيز عندليبيات كانت مفتقداك يا مجهول
:)
أشكرك جدا على وصفك لكلماتى
خالص تحياتى
----------------
hu-man :)
الأسم ده مش غريب عليا انت كنت مختفى و رجعت مش كده ؟
ع العموم منور عندليبيات
اولا سعيدة جدا انك بتناقش الكلام مش بتبدى اعجابك و بس
ثانيا يا باشا ممكن الانسان يجرح الدنيا لما يدمرها و يخرب فيها و يشوه أيامها و يحطم كل ما هو راقى و اصيل و جميل بدعوى انها كانت قاسية عليه
ها وصلت الصورة ؟
أسعدنى التواصل معك
-------------------
الطائر الحزين :)
رينا يكرمك يا رب عشان الجملة التانية دى
:)
هو طبعا احنا الى نظرنا او مشاعرنا العمياء بمعنى اصح بتقصر اللون الابيض على شئ واحد دون غيره بينما الدنيا مليئة بيه بس فيه حالات زى صاحبتنا دى مفيش فى دنيتها ابيض غير الامل فى الله سبحانه و تعالى و الجدع الى هى غرقانة فى حبه لشوشتها ده
خالص تحياتى
------------------
ادم المصرى :)
انت يا ولد يا امور انت
عادى يا ولد مفيش حاجة كلنا بنتعذر فى ألتزامنا دخول مدونتنا
ع العموم عود احمد
و بعد ين انت شلت صورتك من البوفايل بتاعك ليه ؟؟؟؟
كل الكلام ده فيا انا ؟ اخجلتم تواضعنا و ارجوا انه يكون خالى من الكوريستورول .. قصدى خالى من المجاملة
دمت بخير و بود
---------------------
أبو على :)
حمد الله على سلامتك ازيك دلوقتى ؟
روق يا علوة مفيش حاجة تستاهل
ابقى كمنا عليك
الله يبارك فيك
خالص تحياتى
طب اعمل ايه بقى
ايدى وجعتنى من كتر التصفيق
طب انا كده ححسدك على ابداعك
الله ينور يا عاليا
جميله جدا القصيده
يا رب ديما مبدعه فى كل المجالات
تحياتى
اسلام
مواطن مصرى نايم :)
و انا أقول صوت التصفيق ده جاى منين يا ربى هم ضافوا خدمة صوتية جديدة للبلوج بوست
يا رافع من معنواياتى
:)
ربنا يكرمك و اكون عند حسن ظنك دايما
دمت بخير
-----------------
أبو على :)
أه هو فعلا و فيه ناس شكرته فى صفحته انه بيرد على رسائلهم و قابلهم بنفسه كمان
تحياتى
جميلة ...
جميل بجد ..
مشاعر رقيقة .. جداً..
حلوة بجد ..
حاجة من القلب كدة ..
تسلم ايديكي
جميله قوي وخفيفه كمان في النطق
عجبتني جدا
بس بأمانه تفتقد لحاجة واحده بس لو كانت موجوده كانت هتبأه تحفه ادبيه جميله فعلا
يعني لو كانت هناك بعد الكلمات الاكثر قوة كانت هتبأه اكثر جمال
بس بحييكي على السرد الجميل والخفه في اختيار الجمل
اه صحيح
بالنسبه للبوست اللي قبل ده انا بحييكي عليه مليون مرة بجد
وبصراحه انك منسيتيش ياسر عبد الرحمن شيء يدل على قوة المقاله
اما النقد اللي في الآخر فده فعلا الظاهر زي ماقلتي لأغراض ماديه
دمت مبدعه
تحياتي
محمد هشام :)
اشكرك صديقى العزيز العزيز
---------------
قهوة بالفانيليا :)
بصراحة الى باللوز طعمها احلى
ههههههههههه
ايه النور الى عندنا ده ؟
أشكرك جدا على اهتمامك بالزيارة و يسعدنى التواصل معكى
-------------------
white heart :)
هو بصراحة مش حخبى عليك كنت ايام الجامعة بسمع ترياة شوية من الكلمات القوية الى دى او التعبيرات اللغوية الى فيها ابداع اكتر فقلت خلينى ابسط يعنى انما فى قصيدة عندى حتلاقيها فى بوست قديم اسمها صهيل أدمعى مليانة القوى كله و عندى حاجات تانية فى الدرج بس بحب الى يقرالى يوصله الكلام
ادى الفكرة
اشكرك على اهتمامك بقراءة البوست الى فات دى حاجة بتسعدنى اوى على فكرة لما حد يبص فى الى فات ده
طبعا ياسر عبد الرحمن مبدع بحق و ما يختلفش عيه اتنين ازاى انساه ؟
و ملحوظة الفندق هى فعلا ملهاش تفسير غير كده
و مبدعة دى كبيرة اوى عليا انا لسة بحاول
منورنى دايما
عاليا
إنتى حكاية كبيرة قوى و انا مش حاسة و لا إيه ؟؟
القصيدة دى تحفة
فيها حاجة كدا من روح نزار قبانى و أسلوبه
لدرجة إنى إفتكرتها بتاعته و قولت هلاقى إسمه فى آخر البوست
طلعت بتاعتك
دنتى هايلة بجد
و عندك ملكة شعر عالية
يا عاليا
الله ينور عليكى
خدتينى لدنيا تانية غير الدنيا بتاعتى
تحياتى الخالصة ليكى
"اهواك ويسخر مني الامل"
الله
ايه الروعة دي؟
يسخر الامل
تخيلي آخر سلاح في ايدنا يتخلى عننا
لا.. دا ميبقاش امل
يبقى احباط لابس قناع مش مخلينا شايفينه كويس
لكن برضو هيفضل امل
وانت معايا يصعب عليا
رمشة عينيا ولا حتى ثانية
في الوقت دا مش منطقي اننا نفكر في الامل
قد ما المفروض نفكر
ازاي نعرف نعيش كل لحظة حلوة
هتعدي ومش هترجع تاني
تحياتي
الله
هو ده الحب الحقيقى
احب الدنيا لانك فيها
ربنا يديم عليكم الحب ده يارب
على فكرة انتى قصايدك كلها تحفة ياعاليا
منتظر جديدك
عاليا حليم
----
أدينى شلت طاقية الأخفاء وظهرت أهوه
---------
عذرا لتأخرى عليكى
بس كويس علشان لما جيت لقيت القصيدة الجميلة دى
-------
رقيقة جدا هذه القصيدة
-----
تحياتى لك ولفنك
مشاعر صادقة وكلمات راقية
بالتوفيق دائما
السلام عليكم ورحمة الله وبركاته
عالياء انتى حلوه اوى ايه المشاعر الجميله والرقيقه دى
ايـــــــــــــــه الحب دى كلــــــــــه
أهواك .. و يسخر منى الأمل
خليه يسخر
بس عندى سؤال ازاى نحب منغير امل يا عاليا ممكن اجابه
نستينى وحشتينى اوى ويارب تكونى موفقه فى مشغولياتك
عامله ايه واخبارك
تعرفى نفسى اشوفك اوى
مين عالم يمكن تجمعنا الايام او الظروف
اهوى التدوين لانكى فيه
دومتى بخير يا عزيزتى
والسلام عليكم ورحمة الله وبركاته
فاتيما :)
ازيك يا فتوم نورتينى يا جميلة
يا ستى انا و لا حكاية و لا حاجة ده كلام كبير عليا اوى
قبل كده فى ناس قالولى برده فى قصيدة ( girl friend ) انهم افتكروها بتعاة نزار قبانى
نزار القبانى ايه بس ؟؟؟ انا واحدة غلبانة
:)
ع العموم انوت بتعرفوا من معنوياتى بالكلام ده والله
و يا رب كل كلامى ياخدك لدنيا تانية بس دنيا ترتاحى فيها
دمتى بحب
---------------
عمرو الطاروطى :)
حللت اهلا و نزلت سهلا يا استاذ عمرو با شا انا اقول ايه النور الى ضرب مرة واحدة فى البلوج ده
:)
اصل الامل هنا فى الحالة دى حاجة بعيدة المنال اصلا فهو كالشخص الى واقف بعيد بيتفرج المنطق يعنى بيقول فى حالتهم انه مافيش للامل وجود
ارجوا انى اكون قدرت اوصلك الصورة
منورنى
------------------
مدحت محمد :)
انا سعيدة جدا بشهادتك دى يا دوحة
و اتمنى اكون عند حسن ظنط دايما
منورنى
arabic id :)
لا يا راجل ؟؟؟
عين مبرقة
لا أله ألا الله محمد رسول الله
طب كويس انك لسة فاكر اسمى و فاكر حاجة اسمها تدوين و كده يعنى
الناس لما بتغيب بيقول بيعملوا اى تنويه بيكحوا
اى حاجة فى اى حاجة
لكن تروح و تقول عدولى كده يعنى مش فاهمة انا ايه ده
خلاص كفاية عليك كده
شكرا على اطراءك بخصوص القصيدة
تحياتى
---------------
موناليزا :)
الف شكر يا عزيزتى على تشجيعك الدائم
أسعد دائما بزيارتك
دمتى بخير
---------------
مؤمنة :)
السلام عليكم و رحمة الله و بركاته
بجد مش عارفة اقولك ايه على اهتمامك انا و الله لسة راجعة من عندك حالا اهوه و علقت فى البوست الى فات انا مانستكيش و لا حاجة معقولة انساكى يعنى ؟
:)
و انا كمان ربنا يعلم نفسى اشوفك
فيه طريقة اقدر اوصلك بيها ؟
و عليكم السلام و رحمة الله و بركاته
حلوة اوي القصيدة عجبتني بجد
بس اللي اجمل التمبليت
استقري عليه
شكله حلو اوي
تحياتي
جميلة كالعادة يا عاليا
واعتذر عن عدم متابعتي بانتظام
اكيد انا الخسران
تحياتي
السلام عليكم
أهواك .. و يسخر منى الأمل
و يتوارى من أهاتى الحنين
و يعطيها للدنيا تقتنيها
ده الموضوع كبير قوى
رائع يا استاذة
سلالالالالالالالالالالالالالالالالالالالالالالالام
عروس البحر :)
ازيك سا عورستنا
باه التمبليت احلى من الكلام
ماشى يا ستى برده عسل و زيارتك عسلين
:)
تحياتى
---------------
مندهش :)
أشكرك يا متر
و انا خسرانة برده مع عدم التواصل مع صديق و اخ عزيز فاضل مثلك
دمت بخير
-------------------
حدوتة :)
و عليكم السلام ربنا يكرمك يا ربو اكون دايما عند حسن ظنك
سلالالالالالالالالالالالالالالالالالالالالام
---------------
مؤمنة :)
الف شكر بجد على سرعة الاستجابة
انتظرنى منى أيميل قريبا ان شاء الله اول ما افضى و اعرف انظم نفسى انى اقابلك
لو عازانى امسح التعليق عشان محدش يشوف الميل مفيش مشاكل قوليلى
و عليكم السلام و رحمة الله و بركاته
عارفه يا عاليا ساعات بتوقفنى ساكته قدام كلامك وده اللى انتى عملتيه دلوقتى بس خلاص
واااااااااااااو
ايه ده
؟؟؟؟؟؟؟؟؟
حاله حلوه قوي قوي قوي
بسم الله ماشاء الله عليكي وعلى احساسك
حليميه فعلا
مش عارف اعلق اقول ايه بجد
بس اعتقد انك لو ركزتي شويه هتسمعي
سمعتي؟؟
ده صوت تسقيفي ليكي
هايله بجد
ملحوظه
مبروك عالنيو لوك .. وده فعلا اخف من التاني .. واللون الموف حلو قوي
سلامووووووووووز
سل النجوم و القمرسل العصافير و المطركيف صرنا أصدقاءو كيف غادرت الدموع مآقيها سل القلب و دماء الوريد سل السعادة فى سجنها و منفى الحب البعيد كيف تحررت أبتساماتى و صارت جفونك أراضيهانعم
جميل اوى الجزء دا عجبنى اوى
تحياتى
أحبها و هى قصتى
سأظل للعمر أحكيها
سأظل أحب الدنيا
لأنك فيها
كلمات رائعه بالتوفيق
السلام عليكم ورحمة الله وبركاته
ايوه ياريت تمسحى التعليق
ومنتظراكى تضيفينى
متشوقة جدا لانى اعرفك
ويارب أكون عند حسن ظنك
دومتى بخير
والسلام عليكم ورحمة الله وبركاته
أبى :)
يا نهار أبيض يا أبو عيون جريئة ؟؟؟
الكلام ده كبير اوى عليا
لكن اسعدنى اوى بصراحة
منورانى دايما
----------------
sooooo :)
وااااااااو
حباه التعبير يدل يدل على الانبهار بكلماتى
:)))))))
كل ما حد بيجسسسنى ان كلامى بياثر فيه كده و خصوصا الى انا عارفة جيدا انهم ما بيجملوش بطير فى السما من الفرحة و ده بيدينى دفعة للامام
الله يبارك فيك و عقابلك يا راجل يا عجوز
و كفاية تصفيق كده يا ابنى حاسة ان قيدك وجعت
منورنى دايما
-----------------------
صاصا :)
جبرتى التدوين دخلنى التاريخ خلاص يا جماعة
خالص تحياتى
-------------------
شوقى رجب :)
أشادة شخص مثقف من جيل أكبر من جيلى مثل حضرتك شهادة افخر بيها جدا
دمت بخير
------------------
مؤمنة :)
السلام عليكم و رحمة الله و بركاته
بالعكس يا ريت انا الى اطلع عند حسن ظنك
ان شاء الله حكلمك قريب
و حاضر حمسح التعليق
و عليكم السلام و رحمة الله و بركاته
مشكلتي مبعرفش اعلق على شعر بس لازم اعلق عشان اشكرك على سؤالك ليا
ممكن اكون بقيت مكتئب كتير بجد و مخشش كتير على المدونه اسهل وسيله اتصال ليا الميل MOHAMED_SOBHY84@YAHOO
بجد انا مش عارف اقولك ايه
على السؤال بجد الف شكر
ليكى تاج عندى ياعاليا
بجد كلمات راااااااااااااااااااااااائعه
واحساسها مذهل
ربنا يوفقك يااااااارب
فينك انتى ليكى عندى تاج على فكره
محمد صبحى :)
عود احمد ما انا عارفة يا اخويا ان انت ما بتعلقش فى الشعر و سبحان الله بتظهر دايما فى البوستات الى فيها شعر
ههههههههههههه
يا سيدى و لا يهمك و بعدين واجب اننا نسال على يعدنا هو ده مش مش عيش و بلوج برده و لا ايه روق انت كده بس و حاول تخرج من الحالة بتاعتك دى و ترجعلنا ساالم غانم يا اخويا باذن الله
شكرا على ثقتك يخصوص الايميل
خالص تحياتى
---------------
مدحت محمد :)
يا دى التاجات و الله يا دوحة فيه عندى فى الدرافيتس تاجين
اصلى ماليش اوى فى التاجات دى ع العموم حاضر يا سيدى عشان خاطرك حضم بتاعك معاهم
-------------------
حسام يحيى :)
أشكرك يا حوسحوس كلك ذوق
عملت ايه فى الامتحانات ؟
---------------
بكير :)
ياااااااااااااااادى التاجات يا جماعة ايه التتويج الجماعى ده هى راسى حتلبس كام تاج بس
حاضر يا بكير بس ما تزعلش لو اتاخرت شوية و ضميته مع تاجات تانية كلهم فى بوست واحد
منورنى
أحبها و هى قصتى
سأظل للعمر أحكيها
--------------------------
جملة قاتلة بحق وفى مقتل
السلام عليكم ورحمة الله وبركاته
ايه يا عاليا جديدك فين
اخبار الشغل معاكى ايه
يارب تكونى موفقه
والسلام عليكم ورحمة الله وبركاته
عديت لانك وحشانى بس لقيت موضوعك
الجميل أهواك .. و يسخر منى الأمل
عجبتنى اوى تركيبه الجمله اللى فاتت
الغزالى :)
ازيك اخى العزيز ارجوا انك تكون خلاص خرجت من حالتك و حمد الله ع السلامة
شكرا على الكلام الكبير ده كلامك فى مقتل برده
:)
تحياتى
-----------------
مؤمنة :)
السلام عليكم و رحمة الله و بركاته
الحمد لله بخير و موجودة اهوه ادعيلى بدرب اليومين دول تدريب جديد
و الجديد جاى على طول اهوه ان شاء الله
و عليكم السلام ورحمة الله و بركاته
----------------
عالمى ازرق :)
اهلا اهلا منورانى و الله
اشكرك كلك رقة و جمال
تحياتى
ده في تطور كبير انا غايب عنه؟!؟
شاه :)
ما حنعملك ايه باه معلش ياسيدى خلى بنات الف ليلة و ليلة لاهينك عننا
:)
ده التطور الطبيعى للحاجة الساقعة
Post a Comment