انا بقول خلص الكلام .. انا
قتلت الجرح جوايا
معدتش أسمع صوت الألام
مهما تنده مش راح أسمع
أو ترجع قسوتك
مش راح أرجع
أو تترجى الحب فى عنيا
عنيا مش حتدمع
أنا بقول يعنى أيه غرام .. أنا
نهيته كما تنتهى الأيام
أيوة
كنت أمل زرعته بأديا
كنت حلم بعت عشانه الدنيا
كنت سنين اتولدت على أديا
و ربتها زى قلبى ع الحنين
أيوة فاكرة
بس برده فاكرة
لما كنت بترد الحنين بأنين
أنا بقول سكت السكات
حتى هجرك ليا مات
ما هو الهجر ممكن يموت
لما الى أتهجر يدوقه النسيان
طعم الموت
أيوة
كنت بسهر الليل
أناجى طيفك
يمكن أصحى الصبح ألمس أديك
أيوة
كنت برسم فى النهار
بين السحاب عنيك
يا ما كتبت أغانى
اناجيك بيها
كل ما تبعد انا ديك بيها
أيوة فاكرة
بس برده فاكرة
لما كنت تحرمنى حتى النظرة
و أنا بسلم عليك
كأنى عدم
و كأنك شايفنى صنم
كأنى شئ من غير نظرتك
ملوش وجود
كأنى ألم مستنيك تصحيه
لما تخلف العهود
كأنى ندم واقف جنبك
غريب .. وحيد .. و مش عايز يفارقك
رغم الجحود
انا بقول صعب عليا دمعى.. انا
غزلته من جديد
فرح و هنا
يا حبيب زمان يالى كان انا
مالكش مكان هنا
جاى تقسى و لا تنسى
مش حتلاقى حزن ينعى
مش حتلاقى شوق يتمنى و لهفة تدعى
مش حتلاقى عنين حيرانة
و لا عدت أقبل
أمشى فى درب المهانة
أنا بقول خلص الكلام .. أنا
بقول خلص الكلام
33 comments:
السلام عليكم
جميل جميل جميل
والله مش عارف اقول ايه
لما افوق هقول
جميل قوى قوى
مش عارفة أقول أيه
كلماتك حلوة قوى يا عاليا ومعبرة بطريقة مش طبيعية
سلام
عاليا حليم
ده انتي خلصتي الكلام والبندقية اتكلمت
على راي اغنية عبد الحليم حافظ
الحدث واضح قوي
ورد الفعل جامد قوي
والوجع شديد قوي
والقرار طلقة بندقية
طالعه من القلب
تخش القلب
وتعلن للجميع ِِأنها رصاصة الرحمة
وليست رصاصة غدر وانتقام
مهند :)
شكرا يا صديقى العزيز و حستناك لما تفوق
----------------
bos bos :)
انتى الى جميلة و حساسة عشان كده حستيها
--------------
حسن أرابيسك :)
هى فعلا بندقية انطلقت و فرغت الى جواها و رصاصة رحمة زى ما قلت
تحياتى يا ابو على
أنتى رومانسيه أوىىىىى يا قمر
كلماتك قريبه وحساسه ذيك يا حبيبتى
عاليا العزيزة
ارجو ان يكون هذا البوست من جنس العتاب وليس من باب الفراق
ادي له فرصة تانية يمكن يعرف رقتك وجمالك ويراجع نفسه تانى
تحية وتقدير
أو تترجى الحب فى عنيا
عنيا مش حتدمع
قويه اوي اوي اوي
كنت بسهر الليل
أناجى طيفك
يمكن أصحى الصبح ألمس أديك
حلم جميل بس ما يستهلش
باقي القصيده جميل جدا جدا من الدوحه لساقيه الصاوي
بس اللي انا علقت عليهم دول هزوني اوي
مش عارف ليه مع اني ما عشتش الاحساس ده
لكن عشته معاكي وانتي بتقولي
تحياتي
اذا خدش الحب الكرامة
فاق العقل القلب
وتحول ما كنت تتغاضى عنه من ظن بأنه يفعل دون قصد الى تراكمات يتذكرها العقل فور هذا الخدش
بعيدا عن ما سطرتة يداك من جمال
مالك؟؟؟
تحياتى
فى القلب :)
أشكر على رقتك و شعورك و حمد لله على سلامتك ربنا يجعل ايامك الجاية بلا احزان ان شاء الله
و نورتى عندليبيات
-------------
ragi :)
تعليقك ده معناه نجاح للقصيدة و ان قدرت اعيشك فى الحالة ، دى حالة حب من طرف واحد هو ما يعرفش باليقين كان يمكن حاسس بس فكان بيتعالى و يتغر انما هو ليه حياته التانية فسؤاله ما كانش له معنى غير انه افتقد لذة احساس بالذات ، أدى كل الحكاية
نورت يا كابتن
-------------------
أسكندرانى اوى :)
و الى انت علقت عليهم دول قريبين برده من قلبى و تعليقك بيسعدنى من ساقية الصاوى للدوحة بس و النبى ادعيلى ساقية الصاوى تحنن قلبها عليا شوية و تبطل توقف الدوران عندى لحسن انا اتخنقت
بمناسبة اتحنقت ، كان نفسى اقولك سلام للبحر بس انت كمان بعيد عنه
تحياتى
----------------
الطائر الحزين :)
تفسيرك هو قلب وجع القصيدة دى يا اخى الحساس العزيز
انا مخنوقة من البيت و الشغل و حاسة ان عمرى بيتسرق منى و حاسة بوحدة رغم ان اتنشرلى موضوع ام محمد فى مجلة كلمتنا و دى امنية كنت بستناها من زمان لكن استغفر الله مش عارفة ليه مش حاسة بفرحة ، أدعيلى يا اخى الله يخليك انت و ام الابناء
المدونة دي بحس انها مريحة نفسيا بشكل رهيب
المدونة دي الواحد المفروض قبل ما يدخلها يكون محضر جنبه كوباية ليمون ومشغل موسيقى هادية
تحياتي
بجد جميله جدا مشاء الله
كنت عاوز اعلق من فترة على موضوع فيلم الجزيرة بس كنت لما بدخل كان بيحصل ايرور كتير ويقفل المدونه
تحياتى
ايه الكلام الجميل الرقيق ده
هو انتي شاعره ولا صحفيه حيرتينا بقي
ارسيلك علي حل يا بنتي هههه
علي فكره حليم كان معي النهارده وقلي هاجي يوم وهبعت معاك تعليق لعاليا قلته ازاي هو انت مش زعلان منها قالي المسامح كريم ههههههه
تحياتي وسلامي يا اخت عاليا
ana 3agbny el klam..
geet a2olek thx on ur words...:D
عزيزتى
احلى شئ اننا لما ننجرح نقتل الجرح ونموته لازم اى جرح ميفضلش عايش جوانا كتير يمون واحنا نعيش عزيزة وانتى بتحبى وعزيزه وانتى بتفترقى
دايمن يارب
تحياتى يا جميل
سلام
السلام عليكم ورحمة الله وبركاته
الجميله علياء
احساسك جيل اوى ومشاعرك هاديه بتتكلم جواها
أكتر كلام حسيته فيها
كأنى شئ من غير نظرتك
ملوش وجود
قد ايه انتى حساسه
وحاجه كمان
و لا عدت أقبل
أمشى فى درب المهانة
احييكى على شجاعتك
بوست اصابنى بالقشعريره لما يكون الانسان بيحب حد اوى وما يلاقيش منه الا قسوه يدوس على قلبه عشان ما يدوسش على كرامته ويقول
خلص الكلام
ماهو الانسان الا كرامه
مبدعه بجد
وحساسه اوى
وجميله خالص
واخيرا وليس اخيرا اتمنى لكى التوفيق من كل قلبى
وسلميلى على نفسك كتير
واخبارك؟
والسلام عليكم ورحمة الله وبركاته
عليا حليم
قتلتي الجرح جواكي ومعدتيش تسمعى صوت الآم كلام من ورى قلبك
اللي يحب بجد ينجرح بجد ولو الجرح اتشفى هيفضل مكان باين لأنه جرح
وكأنك شئ من غير نظرته ملهوش وجود دة كلامك ودة بردة تأكيد لكلامي
تحياتي ومودتى
جيتي علي الجرح
بجد مسني كلامك قوي
تحياتي
جميل اوي يا عليا
والعجيب يا عزيزتي أننا حين نظن ان الكلام قد انتهى
نجد مئات الكلمات التي نعلن بها "خلص الكلام" .. تحياتي
وأمنياتي ألا ينتهي الكلام أبدا
a samir :)
ده شئ يسعدنى أنى بوصلك الأحساس ده ألف شكر و بيتك و مطرحك دايما
و الليمون هنا مجانا
تحياتى
-----------------
sasa :)
شكرا يا درش ، و تقدر تعلق على أى موضوعات قديمةكل التعليقات بتوصلنى ع الميل و بشوفها
تحياتى
-----------------
rack -yourminds :)
ما ينفعش يعنى الاتنين ؟
هههههههههههه
زعل ايه الى بينى انا وحليم قلتلك قبل كده داحنا بندلع على بعض انما لو عايزنى انا اصالحك عليه ، ما تدخلش فى منطقة انت مش قدها
قال يصالحنى على حليم قال :)))))))
---------------------
سفاح كرمزو :)
يا ماما يا ماما
عجيتك المدونة يا بيه ؟ ربنا يستر و تعجبك لو مش عجباك نعيدها من اول و جديد بس الطيب أحسن
----------------------
احساس برده حى :)
عزيزة و انتى بتحبى و عزيزة و انتى بتفارقى ؟ جيت ع الجرح و خلصت الكلام
منورنى على طول
-----------------
مؤمنة :)
و عليكم السلام و رحمه الله و بركاته
أه هو شعور صعب و انا كمان اشعرقت و انا بكتبها عشان كده وصلتلك ربنا ما يحطك فى الموقف ده
نفسى بتقولك شكرا على سؤالك الدائم هى بخير و الحمد لله طول ما فى ناس زيك بيهتموا بيها
و عليكم السلام و رحمة الله و بركاته
----------------
سيد مكسرات :)
لا سا ابو السيد فيه دلوقتى عمليات تجميل بتشيل أثر الجرح خصوصا مع الى ما يستهلوش
لما تكبر حتعرف
الكاجو غالى اوى مش عارفة اتحصل على حباية و احدة مش احنا اخوات برده ؟
--------------
مندهش :)
و الله كنت حاسة انك حتقول كده
معلش بكرة اثره يروح ان شاء الله
----------------
عروس البحر :)
انت الى جميل يا جميل
-----------------
أنونيموس :)
أن شاء الله مش حينتهى طول ما فى مشجعين زيك
تحياتى
السلام عليكم
خلص الكلام
معانيها واضحة جدا
وعجبني جدا انا قتلت الالم جوايا
بيدل علي الاصرار علي فعل الشي
ومهما حاولت بيتقاوم الام جواك
يمكن يكون الغدر اصعب شئ علي نفس الانسان
ولكن الاصعب انك تحاول تنسي الغدر
اهم حاجة ياعلا مترجعيش فى كلامك
انتى حرة
تسمحيلى بالاعلان ده بقى
طيب
المدونة بتاعت عاليا حليم
مدونة جامدة جداااااااااااااااا
ياللا
برضه هتدفعى انتى ضرايب الاعلان ده
كل سنة وانتى طيبة
عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم
الله
جميلة الكلمات
بتعبر عن مشاعر صادقة
صعب احساس انك تدى و تتقابل باستهانة
صعب قوى
على العموم حضرتك صغتيها بأسلوب أدبى جميل فعلا
ربنا يكرمك
أحييكى صراحة
جزاكم الله خيرا
د.حمــــــاس
كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا
تصميم مدونتك الجديد غايه في الروعه
كل سنه و انتي طيبه
كل سنه وانتى طيبه يا جميل وسنه هجريه سعيده ويارب كل ايامك تبقي سعاده وهنا وتحققي كل اللى بتتمنيه
بجد يا عاليا البوست رائع والكلام حلو جدا وانا عجبنى جدا واحساس الكلام حلو اوى انا مش عارفه اختار اي حته عجبتنى لان كله على بعضه رائع
يارب بالتوفيق دايما
sons egypt :)
سعيدة جدا بملاحظتك بخصوص الاصرار ده معناه انك قريت الكلام بعمق الف شكر ، و ما أقساه الشعور بالغدر ربنا ما يحطك فيه يا عزيزى
تحياتى و كل سنة و انت طيب
--------------------
doha :)
لا مش حرجع فى كلامى و مش حدفع ضرايب حد قالك تعمل اعلان هنا ؟
ههههههههههه
منور يا عزيزى
-------------------
نقطة مية :)
أشكرك ع التنويه الى انا عملاه فى الشريط الى تحت الهيد ، مصطفى عاوز التعاون ده و يستحقه و الله ان شاء الله نتقابل هناك
تحياتى
-------------
د\ حماس :)
أهلا بيك فى عندليبيات انا بقول البلوج منور ليه ؟ منور يا دكترة
و الله أخجلتم تواضعنا و الله
و أنا الى أحييك على زيارتك و تعليقك و أرجوا أنى أشوفك هنا دايما
و جزاك الله كل خير
-------------------
وينكى :)
عارفة و الله من زمان ع العموم اشكرك على الأهتمام مصطفى غالى عليا و أحب أن الكل يقف جنبه و يحسسه بالفرحة
-----------------
ذو النون المصرى :)
و انت طيب ، بس ما قلتش رأيك فى البوست
طبعا لازم تعلق ع التصمصم انت مش تربية فنية زينا ؟ ألف شكر
------------
tota-fm :)
و الله يا بنتى انتى دايما بتكسفينى بكلامك الجميل أخجلتم تواضعنا
كل سنة و انتى طيبة
السلام عليكم
انا اول مرة ازور البلوج بتاعك وانشاء الله مش اخر مرة واضح انه بلوج لذيذ واسمحيلى اشارك فى باقى الموضوعات
تحياتى
معاك حق انك تقولى خلص الكلام وبعد الكلام اللى اتقال هيكون فيه حاجة تانية تتقال ده حتى معرفش حبك ولا قدروش ولا عرف معنى الكلام كلام الحب
جميلة اوى يا عالية
وصف لحال الحبيبة من عذاب وسهر وحب وهجر
وحبيب متجمد الاحاسيس
كلماتك ايقاعها رائع فى توصيل المعنى
محبتى
قد ايه الموسيقى اغنيه حبيبتى من تكون رقيقه جدا وملائمه لروح المدونه وشكلها وهذا كله يخلق جو رومانسى رقيق لقراء المدونه فاضل بقه الشموع ههههههههه
قصيده رومانسيه ورقيقه وتدل على عمق الاحساس بالحب بعد ان يفقد الانسان كل الامل فى انقاذ هذا الحب وبعد مانقول كل الكلمات التى فى قلوبنا واعطائه كل الفرص لكى يبقى نقول .....خلص الكلام
ميعادنا بكره الساعه 4 حجيلك زى مااتفقنا
تحياتى
بوست رائع
حدوتة :)
فيه أيه يا بنتى انا غيرت شكل المدونة بس مش العنوان انا عاليا حليم صاحبتك أول مرة تزورينى ؟؟؟؟؟؟؟؟؟؟
أنتى سخنة و لا حاجة ؟ و بعدين ما قلتيش رأيك فى القصيدة
-----------------------
رحيق الحب :)
شفتى ما فهمش يبقى حنفهمه ازاى ؟ خلاص خلصنا الكلام
ألف شكر على زوقك
-----------------------
قطة الصحراء :)
ببقة سعيدة جدا لما حد بيصله الاحساس و المعنى و بعيشه فى الحالة
منورانى على طول و نونتك بتزهزه البلوج
تحياتى
-------------------
نبضات :)
ما انتى عارفة قد ايه انا بحب حبيبتى من تكون و كل اغانى عندليبى الحبيب
صح يا منمن حنقول ايه ؟ خلص الكلام باه
حستناكى زى ما اتفقنا
سلام مؤقت
Post a Comment