Sep 20, 2007
أبعدى يا موضة عن فانوس رمضان
منذ طفولتى و أنا أتخيل رمضان فى صورة الكهل الطيب ذو الشعر الأبيض و الذقن البيضاء يتوكأعلى عصا قديمة ترجع الى عصر عتيق تفوح منه رائحة عريقة اسطورية كرائحة البخور الذى يلوح به الشحاذون فى مقام سيدنا الحسين ، و رغم كهولته يملك جسد شاب فى العشرين و يمشى بخطى سريعة جدا تسلبنى متعة رؤياه
دائما كنت اراه يجلس داخل الفانوس و انه هو الذى يعطى للأمر للفانوس فيشع منه النور أو يأمره فينطفئ ، له صوت جميل عذب يغنى اغانى بالنهار لا اسمعها طوال العام الا منه و باليل رجل دين يتلو ادعية و ينشد موشحات
هذا هو رمضان الذى اعرفهو الذى صنعته طفولتى و حفظه لى صبايا و لكن يبدو ان الموضة لم يكفيها ما بدلته لنا من عادات و تقاليد و فن و مأكولات بل وصل بها الأمر ان تفرض هيافتها على الذكريات ...... أحلى الذكريات و أغلاها
كانت الصدمة شديدة عندما دخلت أحد المتاجر لأشترى فانوس لأبنة عمى الصغيرة و قد كتب عليه صنع فى الصين و يتخذ شكل تمثال بوذة الصينى الشئ الوحيد العربى الذى وجدته فى هذا الفانوس أغنية نانسى عجرم التى تصدر منه ( أه و نص ) ما علاقة هذا كله برمضان ؟؟؟؟؟؟؟؟؟؟؟؟ و هل هذا فانوس رمضان أم البائع أخطأ فى السمع
و عندما أوضحت اندهاشى للبائع ضحك قائلا :( ما فيش غير الفوانيس دى يا أنسة هى دى الى طالعة موضة
الموضة .... أه أه ...... أيتها العينة اسكتى صوت شيخى الحبيب ؟ كيف طالته يدك ؟
رمضان رمضان ..... راح فين بس ؟ كان قاعد هنا جوه الفانوس
و فضلت انده على عم رمضان و لا هو سألان
اتاريه سايب بيته بقاله زمان
لما لقلا المكان بقى غير المكان
و الأنسان بقى غير الأنسان
ابعدى يا موضة عن فانوس رمضان
Subscribe to:
Post Comments (Atom)
17 comments:
السلام عليكم
ما خلاص يعني هي جت على الفانوس خليه هو كمان يواكب العولمة ويمشي مع الموضة
والله فعلا حاجة تزعل
يلا حسبي الله ونعم الوكيل
وكل سنة وانتي طيبة
الامر اعمق من مجرد فانوس فهذا رمز للتغير وان قوتنا ليس من ارضنا وماءنا وشك على النضب فحاضرنا يملكة غيرنا والمستقبل يعلمة الله
اما الذكريات الشىء الذى كنا نظن اننا نملكة فركبوة آلة الزمن ورجعوا الى الوراء ليعبثوا به هو الأخر
حسبنا الله
كل عام انت بخير
طبعا مفيش زعل من الناس اللى كانت رابط مدوناتهم موجودة لكن اقترح عليك حتى علمى الجديد ان تضيفي من تريدى فى Reader
يعرض لك الجديد دوما
تحياتى
لللاسف الموضه مسخت كل شئ في حياتنا
كم من الابتزالات والحماقات تقترف باسم الموضه
تحياتي لكي
على راي اختنا بنت القمر
كله بقى صيني
دي مش موضه انا بعتبره تخريب متعمد للاصاله الامصريه في ادق خصوصيتها
اه يااااااني
اللهم اني صايم
المشكلة ليست في الصينيين يا عزيزتي المشكلة في البلهاء الذين سمحوا بدخول هذه التفاهات إلى أراضينا
هم اللصوص الحقيقيون .. هم الذين سرقوا عجوزك وحرموكي من صوته العذب
هم الذين يصرون على تشويه كل صورة جميلة وكل ذكرى لنا في هذا البلد
لا تحزني وابقي شمعة الذكرى متقدة في قلبك دائما
انا جايه اعزمك عندي في المدونه
اتفضلي شرفيني
آآآآآآه يا زمن ، ليت الزمان يعود
يوما
بوست مؤلم يا عاليا :(
Aho da ba2ah khabar noktah
اه والله عندك حق بس مين يسمع
خلاص يا عاليا اذا كان الفانوس مبقاش مصرى عوزاه يغنى مصرى
فين ايام ابو شمعه
ولما اتطور شويه بقى بلمبه كان بسيط بس كانت معانيه جميله
الله يرحمه كان طيب وابن حلال
انا فاكره الفانوس ابو شمعه ده كنت بجيب عصايه واعلقه منها عشان ميحرقنيش بس كان احلى حاجه عندى وكنت ايام الشتا ادفى ايدى عليه
2 X 1
ههههه برت بلس
وكنت امر على كل البيوت فى الشارع انا والعيال ونملى جيوبنا زبيب وبندق ولوز
ونخبط على الابواب ونقولهم حلولنا الكيس
يلا كل سنه وانتى بخير يارب
حليلى الكيس بقى
:)
سهر :)
امين يا رب و انتى طيبة
الطائر الحزين :)
دايما عندك التعليق الواقعى الصحيح
حاشوف الموضوع ده اصلى بينى و بينك غشيمة شوية فى النت و اشكرك على المعلومة
وحيد :)
الموضة بس الى بتقترف باسمها الجرائم ؟
أسكندرانى أوى :)
امين يا رب العالمين
الكونتيسة الحافية :)
فينك المدة دى كلها جنابك وحشتينى و الله هو ده نفس راى بالضبط دايما ع الخط انتى
سهر :)
حاضر من عنيا
ربا :)
ما عاش الى يألمك يا جميل
he & she :)
و اى نكتة يا اسلانس
لماضة :)
هما الصينين يقروا بس لماضتك دى و هو يرجعوا فى كلامهم :)))))))))))))
لماضة عاملة فانوس مصراوي ميه ميه
من ابو شمعة
بس من النوع اللي بيحرق البيت
بلاش تيجيبي منه
خليكي مع ابو اه ونص اامن
محمد سمير
لماضة عاملة فانوس مصراوي ميه ميه
من ابو شمعة
بس من النوع اللي بيحرق البيت
بلاش تيجيبي منه
خليكي مع ابو اه ونص اامن
محمد سمير
ماشى يا عم غمض عنيك واحلم معايا
والله لو الزمن يرجع بيا تانى كنت صورتلكوا الفانوس بالاحداث
وبعدين ده اختراع يكفى انه بايدى مصريه عامله
واذا كان مش بيغنى يعنى
سهله ممكن اعمله تانى واوصله بفيشة التليفزيون
اهو هيغنى ساعتها ويرقص كمان
;)
غمض عنيك :) لماضة :)
أحنا نروح القسم و كل واحد ياخد حقه هناك :))))))))))))))))))
والله عندك حق
حتى الفانوس بقى عالموضه
مسابوش رمضان حتى ف حاله
غيره معالمه وايامه
رمضان اشتكى منيهم
علشان كده هو هرب منهم
رمضان
مش لاقى نفسه فى عصرنا
جاى وهو قرفان مننا
مسلم :)
أسمك جميل و زيارتك أسعدتنى اتمنى أشوفك هنا دايما
Post a Comment