المبدعون فى الأرض - 1

كلما زرت معرض لفناني قسم التشكيل بالمعادن بإحدى كليات الفنون بالقاهرة وجدت ركن صغير فى نهاية المعرض عبارة عن منضدة
لا تتجاوز الثمنمائة سنتى مترات عليها مفرش متواضع جدا مرصوص فوقه أعمال فنية عبارة عن تشكيل بالمعادن يجزبك

التجريدى البسيط و المعنى العميق الذى يحمله يشد نظرك نحوه فتظل واقفا أمامه متخيلا أشكال عديدة للقطعة الواحدة
تماما كما نتخيل ونحن ننظر الى السحاب ، ثم تلفت نظرك لافتة صغيرة عبارة عن ورقة بيضاء رخيصة معلقة على الحائط
و تعلوا هذه المنضدة يافطة ورقية مكتوب عليها ( أعمال الفنانة الموهوبة بالفطرة أم محمد )

من هى أم محمد ؟ و كيف قامت بحجز جزء من القاعة مع هؤلاء الفنانين ؟
هى سيدة مسنة تعمل فراشة بقسم المعادن بكلية التربية الفنية وتصنع الشاى لأساتذة القسم
و لكن كيف تحولت من فراشة لمبدعة ؟
سوف تقص أم محمد قصتها لكم بنفسها :

أنا أصلى من طمى من الصعيد أتربيت و أتجوزت فى باب الشعرية، دادة هنا أسمها أم حمادة قالتلى تعالى أشتغلى معايا
فى الكلية بتاعة الى بيرسموا دول ، جوزى الله يرحمه كان شغال فى البلدية و الى جاى على قد الى رايح قالى روحى
معاها أهم قرشين ينفعوا ، و جيت معاها و واحد موظف دخلنى قسم المعادن ده ومن يومها ماسبتوش بقيت أنضف
المكان و أعمل للدكاترة شاى بعد الطلبة ماتروح أسيح المعادن و أجليها بمية النار و أحطها فى الحلول ده الى بيلمعها
الحالة أشتدت بيا لما جوزى مات و الهم كتر سابلى خمس بنات و البكرى محمد الى ماباشوفوش قاعد فى السويس
على طول زى قلته ....بقيت أخرج نفسى من الطاحونة الى أنا فيها بالفرجة على الطلبة و هما بيشتغلوو فى مرة
بعد ما روحوا قعدت زى كل يوم أسيح النحاس و لقيتنى عمالة أعمل فى شكل يشبه شكل راجل محنى من حمل تقيل
شايله فوق ضهره الراجل ده فكرنى بجوزى الله يرحمه ومن يومها بقيت أعمل حاجات كتير زى دى ، فضلت عشرين
سنه ألم بواقى النحاس الى بكنسها من الأرض و أسيحها و أدقها و ألمعها و الأزاز المكسر ألمه و أدقدقه و أسيحه ع
النار و بقيت أجيب قطيفة زى التلامذة و ألزق عليها الحاجة بتاعتى و مع أنى شبعت طريقة من زمايلى الفراشين هنا
و من كام دكتور هنا بس حبيت الحاجات دى أوى وبقت عزيزة على زى مايكونوا عيالى الى خلفتهم ، لحد ما فى يوم
د خالد و د. عماد خادوا بالهم منى عملولى علقات أعلق فيها الحاجة و بروزولهالى كمان و أتفقوا مع دكاترة زمايلهم
يدخلونى معاهم المعارض بتاعتهم مساعدة لله و بقوا يسمونى ( الفنانة الموهوبة بالفطرة أم محمد ) .... و بعدين جه
أخو العميد الى كان هنا من كام سنة كده خد منى 15 حتة الواحدة بتلاتة جنيه و لما عرفت أنه ضحك عليا فيهم و أنهم
أغلى من كدة ما أدتلوش حاجة تانى و دكتورة تانية خدت منى 30 حتة و قالتلى حارجعهوملك تانى و لحد دلوقتى
مش عايزة ترجعهوملى و دلوقتى أنا عندى سخونية فى جدور البطن من التسيح الى كنت بسيحه و مابقتش أقدر أشكل
معادن تانى بس نفسى أرجع ولادى دول الى راحوا منى جنب أخواتهم هنا و مش عارفة