بتنده لمين ؟
يا حمام شايل غصن
عيونه دبلانين
جذوره مقلوعين
أيامه مجروحين
بتنده لمين ؟
جوه القفص الحديد
مش حيفهم لغة الطير
الى كتب نهاية شهيد
بتنده لمين ؟
بقى الغريب الامان
بقى عابر سبيل
بيسأل ع الحنان
بقى فدائى بيكتم بدمه
صوت الأنين
و حتفتكر السنين
كنت بتنده لمين
يا حمام شايل غصن
عيونه دبلانين
30 comments:
جميله قوى قوى
كل سنه وانتى طيبه
عاليا وهى عاليه جميله اوى واول مقطع عجبنى اوى اوى منايرى اوى
منايرى يعنى
ينفع لمحمد منير
بتنده لمين ؟
يا حمام شايل غصن
عيونه دبلانين
جذوره مقلوعين
أيامه مجروحين
تحياتى ليكى
وكل سنه وانتى طيبه ولو انها متأخرة
محمد فوزى
لاول مرة بالاسكندرية : دعوة لكل مواطن ولكل مدون حر: لحضور .............
ملتقي الدفاع عن سجناء الراي وحقوق الانسان بالإشتراك مع ....
تجمع المدونين الطامحين في وطن عربي بدون سجين رأي واحد
و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر
موعدنا : الخميس 18/ 10 الساعه 5
بنادي المحامين بجليم كورنيش البحر الاسكندرية
بحضور وائل الابراشي وعصام العريان ونخبة من رموز الاحزاب
ندعوكم لزيارتنا انا عن نفسي مش حاروح و حاولي اعلني الدعوة دي بكوبي و بست
تحياتي
وتمر السنين
ويطير الحمام
يهزه الحنين
لحلم وخيال
ودنيا جميلة
وحب وحنان
وعينه هترسم
بسمة امان
تحياتي ليكي
محمد سمير
عيد سعيد الا الشعرم دا بتاعك يا لولو
كل سنة وانتى طيبة
عيد سعيد
عالية.... تحياتي...و كل عام و انت بألف خير و كل ايامك اعياد.
النثر الذي كتبتيه رائع...تعبير بسيط سهل من القلب الي القلوب...
وان كان به لمحات من الحزن...الا ان الاحزان تسمو بالمشاعر ...
تحياتي و تمنياتي لك بكل التوفيق.
مدونتك رائعك
وصادقة جدا
وكذلك ذوقك ينم عن دفء وطيبة
تحياتي
عاليا العزيزة
شعرك بسيط وجميل
حمامة السلام فى منقارها غصن الزيتون الدبلان ومحدش سائل فيها صورة معبرة عن الوضع اللى احنا عايشينه
كل سنة وانتى بخير
جميله جدا عجبتنى جدا
بتنده لمين
ياحمام شايل غصن
عيونه دبلانين
جذوره مقلوعين
أيامه مجروحين
اكيد دية حمامه السلام حسيتها بتعبر عن السلام عموما مش خاصه بدوله معينه أو بحاله معينه يعنى السلام فى كل حاجه فى حياتنا اللى احنا دايما مفتقدينه
دايما متميزة يا عاليا
كل سنة وانتي طيبة
وينكى :)
أشكرك ع الزيارة و كل سنة وانتى طيبة سعيدة ان القصيدة عجبتك
انا من اهوى و من أهوى انا :)
الله يخليك ده بس من زوقك ،معبر المصطلح المنايرى ده ، بس أنا أجى أيه جنب الروائع الى بيغنيها منير ، لا يا عم انا على قدى
عروس البحر :)
كان على عينى يا بنتى ايدى على كتفك نزلينى اسكندرية و انا اعملك مظاهرة مش تجمع بس نزلينى دى وحشانى اوى
منورانى دايما يا ريحة الحبايب
غمض عنيك :)
انا سعيدة جدا ان صديق عزيز زيك يسترسل معايا كده
كلماتك جميلة اوى يا ابو فرح
بنت القمر :)
الله يخليك يا قمر أخجلتم تواضعنا
أبو لهب :)
أيوة كده جيت فى وقتك الشتا داخل ، أنت فين يا راجل ؟
الربان :)
طالبة منك خدمة ما تودينى اسكندرية و رجعنى ع السفينة بعد عشرين سنة كده و نتفق ع الميعاد الى حتيجى تاخدنى فيه
altawati :)
متشكرة جدا ع الكلام ده و انت كمان مدونتك راقية و كلها دفا و الجنان الى فيها بيخلق عالم متحرر يكسر روتين عالمنا الممل
راجى :)
سعيدة ان المعنى الى أقصده قدرت أوصلهولك يا رب اشعارى كلها توصلكوا دايما
نبضات :)
طبعا يا اعز صديقاتى الشرح الصحيح للى بكتبه حيكون عندك بالتأكيد أيوة فعلا هو المعنى عام ما يخصش بلد بعينه ، منورانى دايما يا منى
مندهش :)
العفو يا باشا و أحنا نروح فين ظ
السلام عليكم ورحمة الله وبركاته
ولابد أن يعلى صوت الحق على الباطل قال الله عز وجل فى كتابه الكريم بسم الله الرحمن الرحيم
أفمن يهدى الى الحق أحق أن يتبع أمن يهدى الا أن يهدى) صدق الله العظيم
حبيبتى فى الله اذا ظهر الباطل فقد غاب أهل الحق لهذا بأيدينا نظهر الحق ونسير وراء حمامة السلام وغصن الزيتون
ولكنهم يحرقون أغصان الزيتون
والسلام عليكم ورحمة الله وبركاته
ازيك يا عاليا كل سنه وانتي طيبه ومبروك علي رجوع النت
بخصوص الابيات كلماتك جميله بس عاوزه شرح للناس الغلابه اللي زيي
تحياتي لكي اخبار عبد الحليم ايه؟
اولا كل سنه وانتى طيبه وبجد حلوه جدا
عزيزتى
هو الحمام لسه عايش بينده
كنت فاكره مات وعمره ما هينده
كنت اتمنا الكلام يزيد عن كده وتقولى اكتر بدل فتحتى الموضوع وهو موضوع كبير
بس كفايه احساسك وأهتمامك
تحياتى
سلام
ولكنكم تقتلون اغصان الزيتون
http://sadbrd.blogspot.com/2007/08/blog-post_9105.html
صرخات مكتومة
كل عام انت بخير
ايه الحلاوه دي
سؤال دا شغل ايديكي ولا عنيكي
لو ايديكي يبقو يسلمو الف مره
ولو عنيكي
يبقى الف شكر للنقل المتميز
مؤمنة :)
فى أدينا نعمل أكتر من الجرى و راء اغصان الزيتون التى يحرقونها
وحيد :)
و انت طيب ، و لو انى يا سى وحيد ما بعرفش اشرح شعرى اوى بس انا مش اى حد باه :))))))))) هو العموم أنا بتكلم عن مشكلة السلام الى مش لاقيله مكان و برمزله بالحمام الى شايل غصن زيتون دبلان و عمال ينده على المعانى الحلوة و بقوله ريح نفسك ما حدش حيسأل فيك ؟
عبدالحليم بعتلك السلام عيد عليا رابع يوم العيد كنا مع بعض فى فيلم شارع الحب كانت سهرة انما سهرة هو صحيح أتأخر عليا شوية بس معلش انا عذراه
رئيس جمهوؤية نفسى :)
اهلا بيك نورتنا و أشكرك على زوقك
أحساس لسة حى :)
بص هو أه موضوع كبير بس جبتلك من الأخر :)))))))))))))))
الطائر الحزين :)
أزيك يا عزيزى عامل أيه البقية فى حياتك أن لله و أن اليه راجعون سامحنى النت عندى كان قاطع و الله
أسكندرانى أوى :)
زعلتنى يا شيخ ... طب حد غيرك يسأل السؤال ده تفتكر يعنى أنه لو شغل عنيا مممممماكنتش حاكتب اسم الى كتبه ؟
لا يا سيدى ده شغل أديا
الا قلى أنت قاعد فى أسكندرية لحد أمتى ؟ ممكن تعد كده لحد العيد الكبير ؟ ضرورى ترد ع السؤال ده
السلام عليكم
فعلا الحمام اصبح شايل غصن الزيتون دبلن بلا فائده منه
والله حلوة
بس مش الغصن اللى دبلان
ده كمان الطير عنده انفلونزا\
تحياتى
دوحة
والله السؤال برئ
تسلم ايديكي اللي كتبت بجد
والله ظروف السفر مكعبله شويه فمش عارف حسافر امتى
بس لما اسافر حتعرفو كلكو
ههههههههههههههههههههه
حرجع انوح تاني
تحياتي
sons egypt :)
اهلا بيك يا ريت نشوفك هنا ديما ... أيوة ما انا بقول كده برده
دوحة :)
حلوة برده حكاية الأنفلونزا دى
أسكندرانى أوى :)
يا سيدى ما انا عارفة انا بهظر ... ماشى يعنى فى الأخر مارستش على بر برده
، ماتقولش كده ربنا يبعد عنك النواح
وحشتينى بجد حبيبتي
ووحشنى كتباتك
جميلة فعلا
ربنا يكرمك يارب
مدونتك لطيفه وأكثر من رائعه
والشعر جميل جدا ومناجاة الحمام جات بأسلوب اجمل
أحيك عليه الحمام هيعمل إيه وسط الغربان
أحيك على غحساسك
تسمحى ى انا أضيف مدونتك عندى
وتسعدنى تشريفك لمدونتى
A2ollek 7aga? I really like it
معاني رائعة واسلوب متميز
سمسمة :)
أزيك يا حبيبتى فينك ؟ و أنتى وحشانى أكتر
سى السيد :)
طب الحمد لله أننا نلنا الرضا .... أحنا لينا بركة ألا أنت يا سى السيد ؟ من شر حاسد أذا حسد ... حاسب و أنت نازل من هنا أسملة عليك يا اخويا
he &she :)
أقولك حاجة ؟ أنت سكر
خالد عادل :)
أهلا بيك فى عندليبيات و أرجو تكرار الزيارة
Post a Comment