و عدت من جديد
أكتب فيك الشعر
أسخر لك عبارات الحب
أقص للبحر ما بين الحنايا
و أعود فى الليل
أجلس عند أطلال هوايا
ألملم ما تحطم
و أبكي على البقايا
لعلى أراك قادما بجنتى
فأنت كل الملائكة
أذا تحقق منايا
و أنت كل البشر
قد ذهبوا و تركونى
فى زمان لن يأتيه أحدا سوايا
أنت الفارس الذى داعبنى
و قبل يدى
و نظرت اليه طويلا
فأبصرت نفسى فى المرايا
عصور الحب مضت
و روايات المحبين أنتهت
و أنا مازلت أبحث عنك
بين أحلام هوت
و مازالت تهزمنى خطايا
أبتعدت .... و قلت
سوف أنسى
و أجد يوما ما المفر
لكنى عدت من جديد
أكتب فيك الشعر
57 comments:
ايوه كده ياعاليا
ارجعى ونورينا وامسحي اي حاجة جواكي فيها ولو فتفوتة زعل
انتي اخت جميلة وعزيزة عتدنا كلنا وزي ماقلتلك لا انتي تقدري تسغني عننا ولا احنا نقدر على بعدك
انتي مجرد ما فضفضتي في البوست اللي فات وانا عرفت ان فكرة اليوست الاخير دي اتشالت خلاص
يابنتي هنا بيتك التاني ان لم يكن الاول
حمد الله ع السلامة
محمد سمير
قال داخله الغي المدونه قال دا انا كنت اجي اجيبك من شعرك
هههههههههههه
ههههههههههههه
بصي عندي تعليق بايخ اقول
قولي
ليه الكلام بتاعك ملووح شمال ممكن توسطنيه في النص
عشان يبقا احلي عارفه ازاي اقولك بعد ما تكتبي اللي انتي عاوزاه هتلاقي سطور زي شكل الكتابه داخل المكان اللي بتكتبي فيه اختاري تالت وحده
تلاقي الكلام طلع في النص
وممكن يمين الصفحه ممكن تجربي شكله ها يعجبك اكتر
وها يعجبني انا كمان
والبوست دا ممكن تجربي فيه من اديت بوست
معلش بقا علي رزالتي
منوره سماء البلوج
على ما يبدو انى وشى مش فقرى اوى زى ما انا كنت فاكرة
:) :)
ألف مبروك على رجوعك يا جميل!!! أنا كنت لسه داخلة من شوية وملقتش غير البويت اللى فات.. فصدمت!!! دخلت بعديها بشويتيين لقيت البوست ده... فانشكحت جدا
ههههههههههههه
أنتى عارفة يا عاليا.. عالم التدوين ده عامل زى الحمام, دخولوه مش زى خروجه
:)
ده اللى انا اكتشفته لما حاولت ابعد شوية برضه!!.. واظنك عارفة الحدوتة وتنويه المفقودين اللى نلوه عشانى ده
:)
أيوه كده ارجعى تانى ونورى البلوجر, هو احنا عندنا كام عاليا يعنى؟
عزيزتى
عاليا حليم
هو انتى لسه شوفتى مظاهره ولا حاجه كنتى اصبرى يومين وانا كنت لميت عليكى بلوجات الصيين تيجى تطلبك بالرجوع
شوفى المشكله ان الناس بتتكلم عن الشخص وانا لما كنت بتكلم بتكلم عن المبدأ متفرقش بقه عبد الحليم ولا عبد الناصر ولا عبد الوهاب فاهمين
كمان يا بنتى انا شكرتى ناس وطنشتى ناس هتزعليهم منك كده
اهم شئ عاوز اقولهولك ان احساسك مهما كان فى حاجات غلط او صح فهو احساسك محدش ليه حكم عليه يفرض عليه شئ
بس المهم مع الوقت وفى كل وقت نراجع احساسنا ونعيد الحسابات من تانى فيه
وزى ما قولتلك اعملى بلوج تانى تخرجى فيه لدنيا بعيده عن عبد الحليم شويه
خدى بالك انا شوفت الافلام اللى بتحبيها لقيت افلام جميله وبحبها بعيده عن عبد الحليم
انا مفيش فايده فيه برضوا بجيب سيرت عبد الحليم معلش بقه ما انتى بتحبى سيرته
القصيده جمليه جدا بس نبرة الحزن فيها كتير برضوا بس كلنا كده الحزن عندنا اكتر من فرحنا
نفسى فى حاجه اخيره يا عاليا
نفسى تتعلمى الخربشه شويه
مش معقول ادبك الزياده ده انا بقلك خربشه بس وده اقل سلاح لازم يكون موجود جواكى فى زمانا الجميل ده
تحياتى يا قمر
ومش عاوز اختلافنا ابدا يزعلنا من بعض مهما كان الخلاف فالمحبه موجوده دايمن
سلاااااااااااااااام
حمدا لله على السلامه
كده القرارات ولا بلاش
الضربه اللتي لا تقصمني
تقويني
تقويني
تقويني
اتمنى من الله ان يكرمك ويوفقك
مازال الوش بيضحككككككككككك
ايوه كده حمدالله علي السلامه
بجد يا عاليا انتي تستاهلي كل الخير ..كلماتك بتدل علي انك انسانه رقيقه وحساسه..ربنا يحفظك
ومفيش شكر بين الاخوات احنا كنا لازم نعمل كده عشان نرجعك لاخواتك وكمان كل اللي قرا ليكي حس قد ايه انتي متضاايقه وحزينه عشان كده كان لازم الكل يقف جنبك
حذار بقي تفكري انك تسيبي اخواتك المدونين تاني ..عشان حليم ميزعلش مننا
------------
بالنسبه للبوست الجديد بجد روعه جميل جدا جدا
تسلم ايدك يا عاليا
تحياتي لكي
انا بحب عندلبيات(فراشةالمدونبن والمدونات )
حبيبتى الغاليه عاليا بجد متتخيليش مقدار سعادتى برجوعك عالم التدوين وحزينه لانى كان نفسى ان اكون أول التعليقات على الرجوع ومشاركتك فى هذه الازمه بس النت كان بقاله يومين فاصل عندى واللى مصبرنى هو كلامنا مع بعض فى التليفون
بحبك اوى ياعاليا وبعتز جدا بصداقتك ويارب نكون اصحاب طول العمروبصراحه مكنتش حقدر اكمل فى عالم التدوين من غيرك لانى عرفته وحبيته منك
ولما قرات كلام الاخوه والاخوات المدونين ومظهرتهم الجميله عشان متسبيناش حبيت العالم ده اكتر لانه بجانب ان كل واحد فينا بيعبر عن افكاره فيه الا اننا رغم اننا منعرفش بعض اصبحنا كلنا اصحاب عن طريق الكتابه ومش من السهل ان نتنازل عن اى حد فى عالم التدوين ألا لاسباب قهريه بجد عالم جميل ويستحق ان لا تتركيه عشان تكتبى لكل الناس اللى بيحبوكى
انا على فكره من الناس اللى بتحب العندليب كفنان فقط لانى معرفوش كانسان بس انا بحترم جدا معزتك ليه وروح العندليب اللى فى مدونتك اللى بجد اهنيك عليها انك قدرتى تخلى لمدونتك روح معينه بتكلمى عن طريقها فى مواضيع عديده واللى المفروض ان كل من يقرئون عندلبيات يحترموها حتى ولو كانوا مش بيحبوا العندليب سواء كانسان أو فنان عموما الاختلاف فى الراىءمش مشكله بس المهم انه ميجرحشى
قصيدتك الجديده جميله جدا ورقيقه
وربنا يخليكى لينا ياعندلبيات ودايما تمتعينا كلنا خصوصا نبضات اللى متتخيلشى عالم التدوين من غير عندلبيات فراشة المدونين
بحبك
الاخت عاليه حليم
السلام عليكم ورحمه الله وبركاته
اولا حمدلله على السلامه بالنسبه لرجوعك للبلوج بتاعك والتدوين من تانى وعلشان تبقى وسط الناس الى بيعزوكى بصحيح
بسم الله ما شاء الله شعبيتك عاليه يا عاليا انزل انتخبات
لبقصيده بقاء تعليق صغنون وهو ممكن يكون غلطه كتابيه على ما اعتقد
و أهود فى الليل
أجلس عند أطلال هوايا
فى البيت ده اعتقد انك تقصدى واعود لانى مش فاهم اهود دى
المجمل القصيده جميله بجد واللهى وعجبتنى قوى دى
عصور الحب مضت
و روايات المحبين أنتهت
و أنا مازلت أبحث عنك
بين أحلام هوت
ايه دا؟؟
عاليا
انتى كنتى هتسيبى التدوين
ياخبببببببررررررررر
والله ما اعرف
محدش قالى
:((
تصدقى انى زعلانة من نفسى اوى انى مكنتش اعرف الحكاية دى
وزعلانة اكتر عشان مكنتش اجى اطمن عليكى
والله انتى عسل وخسارة فى اعتزال التدوين
خليكى كده منورة مدونتك ونورينا
القصيدة جميلة اوى
ومليانة احساس
زى عوايدك
عاوزين من دا كتير
:)
سامحينى على غيابى عليكى
انا سجلتك على الميل
ابقى اقبلى الاضافة وادخلى بسرعة
عشان عاوزين نتكلم كتييييييير
:)
تحياتى يا عاليا
رقيقه كالعاده
حالمه دايما
فيها كلام كبير وكتير اختزل في كلمات بسيطه اوي
و أنا مازلت أبحث عنك
بين أحلام هوت
تسلم ايدك يا عاليا
لكي التحيه على القصيده الحلوه دي
ايوة كدة
خليكى دايما منورة
سما التدوين.
بكلماتك الحلـــوة
وتواجدك الرقيق
دمتى رائـــعة
عزيزتى
انا برضوا مقولتش راى انا اموت واتسحل وانا بقول راى
متصدقيش ده كلام فنجرى بقك
بس انا قولت راى اهو
القصيده جمليه جدا بس نبرة الحزن فيها كتير برضوا بس كلنا كده الحزن عندنا اكتر من فرحنا
نفسى فى حاجه اخيره يا عاليا
نفسى تتعلمى الخربشه شويه
من تعليقى نقله المهم تقوليلى ناوية تخربشى ولا لا
احسن البرقه دى متنفعش مع الغيلان اللى حوليكى اقصد الناس يعنى
اهم شئ اطمنا عليكى وخدى بالك من ضرباتى اقصد تعليقاتى
تحياتى يا جميل
سلام
وبعدين يالولا انيت حد حبوب قو لما انتي تعتزلي تفتكري احنا هيبقي لينا لازمة بعدك خليكي موجودة ياعز الحبايب
هيييييييييييييييييييييييه
من حالة خنقة وقلق سيطرت عليا اليومين اللي فاتوا علشان بس انتي زعلانة
لحالة عكسية تماما من الانبساط والراحة بعدولك عن قرار الاعتزال
بيب بيب عاليا
بيب بيب بيب عاليا
عاليا رجعت يا رجدعاااااان
تصدقى يا بت يا عاليا
عشان حركة الجدعنه دى
انا كمان هعمل معاكى حركة جدعنه
وعزماكى عندنا فى اسكندريه
وليكى عليا فسحه متحلميش بيها
والحساب عليكى طبعا انا لسه طالبه
;)
عاليا
عسى ان تكرهوا شيئا وهو خيرا لكم
اديكى شفتى الكل بيحبك قد ايه
وكسبتى ناس جديده زيى
انا اول مره ازورك
وانشاء الله تتكرر
يارب معنوياتك تكون افضل
تمنياتى لك بكل الخير
تحياتى لك
حمد الله ع السلامة ياجميلة
ايوة كدة ارجعى واكتبى فيه شعر إن شا الله تزأليه بالطوب حتى هههههههههه
كلامك رقيق اوى وحساس جدا بجد وتقريبا انا شوفتك فى برنامج الناس وأنا فى حلقة المدونين .. صح؟؟؟؟
----------------
اسمحيلى يا عاليا معلش حستغل التعليق عندك واوجه كلمة للبت منال البيدا
انتى فين يابت انتى؟؟؟؟ .. لا بتدخلى نت ولا فاتحة مدونتك واكتشف بمحض الصدفة البحتةةةةةة انك متواجدة عن طريق التعليقات بس
ماشى ماشى وهان عليكى العيش والملح والمكرونة البشاميل وخطيبك كامكياز المركون على الحيط فى المدونة
ماااااااااشى
:D
-------------------
بس خلاص
نورتى مدونتى ياجميلة واهلا بيكى دايما واتمنى نكون اصدقاء ان شاء الله
سلام عليكم
حمد لله على السلامه
عاليا حليم
كيف حالك ؟
حمدا لله على سلامة العودة أولا
قصيدتك جميلة
كلها أحاسيس رقيقة
لكننا نظل أسرى من نخاطبهم
أقصد علينا أن نبحث عن أشباه أكثر ديناميكية
كي نصبح أكثر تنوعا
جميل أيضا التمحور حول عالمنا
نهرب منه فيصبح أكثر جذبا لنا
تحياتي
غمض عنيك :)
ازيك يا غالى عامل أيه و أزى بنوتك السيدة المبجلة فرح ؟
انت طيب أوى يا محمد و كلك ذوق و أنا بجد أتشرفت أوى بمعرفتك و لما قابلت على الحقيقة كمان يوم الفطار اعتزيت اكتر بمعرفة شخصيتك النادرة الجميلة
لأنا مستنياك بأه ترجع تانى تقول رأيك بصراحة فى اقصيدة
ألا قولى أنت خط و لا كارت ؟
بنت القمر :)
نعم يا أختى هى مين دى الى تجبيها من شعرها ؟ لا ما خلاص احنا بقينا جامدين أوى أوى بالصلاة ع النبى ما دام عرفنا ناس قمر زيك يا قمر الأقمار كلها
ألبيدا :)
وشىك وحش أيه بس أيه يا بنتى الكلام الى أنتى عمالة تقوليه من أميارح ده ، ده دانا لما قابلتك ماشفتش احلى من وشك الجميل يا جميل
الا قوليلى المدونة بتاعتك مش عايزة تفتح معايا خالص أنتى لسة بتصلحيها ؟
أحساس برضه حى :)
أرسالك على بر بأه لسة حى و لا برده حى :))))))))))
طب كويس انك لو أتسحلت حتقول رأيك أنت كده طمنتى
لسة عندى فى الدرج حاجات فرايحى حنشرها قريب ما تقلقش ن و بالنسبة لخربشة انا كنت فعلا أتعلمتها شوية بس ساعات الواحد برده بتيجى عليه لحظات ضعف و الحمد لله أنها ماطلعتش قدام حد غريب انتوا منى و عليا
أسكندرانى أوى :)
امتى بأه أشوفك وجها لوجه يا أبو أسكندر متخيلاك أمور أوى
أوعى تفتكرنى بعاكسك
هههههههههههه
يا بختها حوا بصراحة معاها واحد حليوة و دمه خفيف و كمان أسكندرانى
نمسك الخشب برضه
ربنا يسهل حاحاول اعمل تجمع فى أسكندرية ع العيد الكبير أصل جيا فرصة ذهبية أنى أسافرلها فى العيد الكبير صحيح يوم واحد بس مش مهم المهم بس أطل عليا طلة و أنت أبقى تابعنى عشانتبقى معانا طبعا
متنساش
وش بيغمز
وحيد :)
أزيك يا باشا يا احن المدونين كلهم ، لولاك و لالولا كل حبايبى دول ما كنتش رجعت
ألف ألف شكر ليك لو فضلت أشكر من هنا لحد السنة الجاية مش حوفيك حقك
نبضات :)
انمتى يا حبيبة قلبى تسيبى التدوين ده و الحفلة الى أنا عمالة ألفها و بستعدلها عشانك دى أعمل فيها أيه
قولى بأه فراشة المدونين و الكلام ده عشان يقولوا مين يشهد للعروسة
:))))))))))))
رئيس جمهورية نفسى :)
الريس نور يا رجالة وسع شوية هنا يا ابنى أنت ...... أتفضل يا بيه ..... الأمن مستتب و كله تمام التمام جنابك
حدوتة :)
فينك يا بنتى و حشتينى ؟
ما تقوليش كده و هو انتى كنتى تعرفى منين ؟
السلام عليكم
حمدلله علي السلامه
وكويس ان الكلام جاب تاثير ايجابي
بس اهم شئ انك بعد كده تفكري في كل خطوة قبل ما تعمليها
علشان مترجعيش فيها وتبقي عيله
ههههههههههه
معلش انا بهرج معاكي لو دا مسموح يعني
بالنسبه للبوست بقي
ايه الجمال دا كله
لو عبد الحليم عايش كان غنالك بقي اقوي الاغاني
حمدلله علي السلامه
وتحياتي ليكي
اه نسيت
بالله عليكي طلب صغير
اعملي التعليقات في الصفحة نفسها
البوب ده بيشلني بجد وبيشل الجهاز
معلش يعني علي طلباتي البايخه
hana :)
انتى الى منورة يا عسولة مش عارفة بس أودى الطعامة دى كلها فين يا ناس عندليبيات مش حتقضيها الطعامة دى
true love :
دانتى الى حد حبوب يا والله و رقيقة منورانى دايما
مندهش :)
ياأأأأأأاه يا مندهش بجد انا حاسة اخويا قلقان عشانى و قلت كل شوية ادخل مش عارفة أقول ا]ه على أحساسك ده
فاكر لما شفتك يوم الفطار ؟ بقيت عمالة أقولك هو فين الأندهاش ده مش شيفاك مندهش و لا حاجة ؟ اهو انت كنت اليومين دول مندهش من غير ما أشوفك
لماضة :)
مش عارفة كنت أزاى حسيب لماضتك دى ؟ أسكندرية دى بلدى يا بنتى تعزمى مين انا الى حاعزمك عليها قريب بجد .... أقرى ردى هنا على أسكندرانى و انتى تفهمى
klmat :)
اهلا بيكى دايما نحب نشوفك هنا على طول و انتى كده وصفتى الى فكرت فيه بالظبط لحظة ما فتحت التعليقات
احترامى و تقديرى لكى
انسانة :)
أسم على مسمى انسانة و أنتى نسانة اكلمى يا ستى زى ما أنتى عايزة هنا مع الى انتى عايزاه هى يا ستى المدونة بتاعتها تحت التصليح و هى كده ما بيأثرش فيها ألا السحلب بس :)))))))
sasa :)
أيه دخولة المراكبية دى ؟ الله يسلمك يا ستى ما تقولى رأيك فى القصيدة
altwati :)
منور يا باشا :) يا عم براحة عليا أيه الكلام الكبير ده ديناميكية و تمحور كلمونا كلام سهل شوية
ههههههههههههههه
سعيدة جدا أن كلماتى تعجب انسان مثقف و ميوزق و مبدع مثلك
مهند :)
يا عم أنت لسة فاكر ؟ انا عيلة طول عمرى
هههههههههههه
مسموحلك تهظر ده أيه ؟ الهزار هنا بالأمر يا أستاذ
اما بالنسبة لرأيك فى القصيدة فده كلام كبير أوى عليا لكن سعيدة أنها عجبتك لدرجة دى
يا سيدى أطلب زى ما أنت عايز حاضر حاشوف الى أنت بتقول عليه ده يتعمل أزاى أصلى لسة غشيمة شوية فى النت
ايه تقفلي المدونه و انا احتاس بقى و احس بعقده الذنب
حمد لله على السلامه
و اعتذار مني اني مش هقدر اقرا البوست اصل بجد مش عارف دي عقده من المدرسه و لا ايه مبعرفش اقرا شعر لو لمين حتى فلو قريت هيكون غصب عني و انا كلامي دبش فالأحسن اني معلقش على نوع انا مبحبوش اعلق على اللي بحب اقراه احسن ( انا مقرتش الشعر فعلا بس هحاول اقراه يوم الصبح كده قبل الشغل او في اجازه )
السلام عليكم ورحمة الله وبركاته
بقى كده يا حبيبتى كنتى عايزه تسيبينا ونهون عليكى انا ما كنتش أتصور التدوين من غيرك
ما فيش حاجه تستاهل ابدا انك تسيبى التدوين
انا بعتذر بجد انى ما تواصلتش معاكى الفتره الى فاتت حقيقى انا اسفه جدا بس كنت بدخل تخاطيف كده عشان الكليه ومشغوله شويه وبعتلك تعليق قبل كده ما وصلش انا اسفه جدا انا عارفه انى قصرت
بس استحلفك بكل ما هو غالى عندك ما تفكريش فى الفكره دى تانى ان كنتى بتحبينا صحيح
حد يزعل حد هو بيحبه يال سلام اتركك فى رعاية الله وامنه
والبوست رائع مناسب الجو
دى هنعتبره اعتذار منك على الفكره الوحشه دى
وقد عدت من جديد تكتبىالينا من اروع الكلمات
والسلام عليكم ورحمة الله وبركاته
جميله قوى القصيده
فيها حب حقيقى
ممزوج بالشجن
وصدق المشاعر
وانتظار رجوع الحبيب
تسلم ايدك
تحياتى لك
عاليا حليم
هذا بالضبط ما أردت الوصول إليه
أن نشعر بأن من نكتب من أجلهم
بمكنهم التعاطي مع أكثر الرؤى تعقيدا ساعتها لن نلجأ إلى التبسيط
وسنغرق في الخيال والغموض الذي يليق بالشعر
هذا ما قصدته بالديناميكية
أما موضوع التمحور حول الذات
فهو في رأيي ضد الخروج بالشعر إلى الشارع والاهتمام بأشياء قابلة للتغير مع الزمن
فالثابت الوحيد في العالم الأرضي
هو الإنسان بكل ما يتعلق به شخصيا
وما عدا ذلك
إكسسوار حريمي
تحياتي
محمد
السلامعليكم
اولا حمد الله علي السلامة
وكويس انك خرجتي من حالتك ديه بسرعة
عما عن القصيدة
لي تعلق بسيط انتي ليه بتقولي ان عصور الحب انتهت علي الرغم من ان الحب موجود في كل زمان
يمكن يكون مفهموم الحب هو اللي اتغير
بس قصيدة عجبتني
العزيزة عاليا حليم
الحقيقة أنا أول مرة أتعرف على مدونتك كان إمبارح
والنهاردة فهمت إنك كنتى عايزة تلغى المدونة
طب أنا عندى سؤال .. عايزة تلغيها وتروحى فين بس ؟
وحتفضفضى ساعتها مع مين ؟
هنا كل أصحابك واللى عرفوكى بيشاركوا معاكى فى أحزانك وأفراحك
بتتناقشوا بتتكلموا بتختلفوا و
بتوافقوا بعض
وأى حد حيعوز إيه أكتر من كده؟
حمد الله على سلامتك فى بيتك الجميل ده وعلى فكرة
(عدت من جديد) جميلة جداً بجد
ونتمنى نقرا كلماتك على طول ومتحرميناش منها أبداً
ربنا يخليكى يا جميلة أنتى!! كفاية نفخ فيا بقى لحسن الزق فى السقف
هههههههه
هى المدونة فعلا لسه مقفولة بس مش علشان التصليحات!!.. دى متشمعة بالشمع الأحمر علشان مدفعتش الضرايب
:)
لا, بجد بجد أنا مش عايزة افتحها دلوقتى علشان مش فاضيلها خالص.. كفاية الكلية والحاجات اللى ورايا
بس أوعدك أول ما افوق كده هفتحها تانى طبعا وهجيبك أنتى بنفسك تقصى الشريط -بس ماتنسيش تجيبى معاكى شيكولاتة, ماشى؟
:) :)
سلام عليكم
طب يعنى سمعت اشاعات وروحت مشمره قلت آجى أتخانق لقيتك رجعتى فى كلامك
توء توء توء
:):):)
ماشى بصى ياستى انا اول مره أدخل عندك بس بجد مدونتك عجبتنى وكلامك جميل قوى خساره القرارات ده
سوف أنسى
و أجد يوما ما المفر
لكنى عدت من جديد
أكتب فيك الشعر
**********
فما تملكين غير العوده ياعزيزتى ربنا يسعدك ويخفف عنك
تحياتى
شيماء
جميل انك تراجعتى عن الغلق
فالمدونات كالبشر يفتقدها الانسان
محمد صبحى :)
الله يسلمك يا فاكهة الموسم و كل موسم ربنا ما يجيب أحساس بالذنب ، ماشى يا سيدى حاستنى أرائك فى موضوعات تانية غير الشعر
زورونا تجدوا ما يسركم :)))))))))
مؤمنة :)
و عليكم السلام و رحمة الله و بركاته و الله غصب عنى يا حبيبتى اتعرضت لضعط شوية بسبب بعض الأساليب الستفزة ما حدش بيحترم حرية حد أبدا
klmat :
الله يسلمك من كل رضى أنا سعيدة ان بوستاتى عجبتك من أول تعارفنا كده
altawati :
مفهوم يا فندم مفهوم
ألبيدا :)
طب ما قلتيش ليه من الأول على موضوع الشمع الأحمر ده كنت كلمتلك حد من معارفى
هههههههههههههه
ربنا يوفقك يا جميل و مستنيك لما تفضى و ترجعلى ببوستاتك الى أكيد مميزة زيك
sons egypt :)
الله يسلمك يا باشا يا ذوق يا ذوق الذوق ، بالنسبة لسؤالك أنا أقصد بعصور الحب الى أنتهت يعنى العصور الى كان الحب فيها واخد حيز من الأهتمام و الناس كانت بتعيشه بمختلف ألوانه لكن دلوقتى الحب رغم أنه موجود طبع بس بقى الأهتمام بيه قليل أوى و بأه كتير يتاخد على انه هيافة أو تضييع وقت الحياة بقى غالب عليها الطابع الآلى أكتر
أميرة :)
أشكرك على أحساسك ده و رقتك دى رغم انك ما تعرفنيش و سعيدة أوى أن كلماتى عجبتك يا رب أكون دايما عند حسن ظنك و يا ريت ما تحرميناش أنتى بأه بالزيارة و نشوفك هنا على طول
عندليبيات منورة
همسات دافئة :)
لا براحة عليا بأه الأسانى الجامدة دى أنا مش قدها أسم ده و لا قصيدة شعر ؟ أنا لسة جاية من مدونتك الرقيقة الجميلة دى
الحمد لللله أن كلماتى عجبت انسانة بأحساسك و برقتك
نورتيى و حتنورينى على طول مش كده ؟
good man :)
هل هلالك شهر مبارك كنت فين يا عم أنت من زمان
أديك شفت كمية الحب دى كنت حاسبها ازاى بس
أبقى تاعلى تانى ها ؟؟؟؟؟؟ الناس تعدى كده تشأرعلى بعضها
السلام عليكطم ورحمة الله وبركاته
تعليق على تعليقك على تعليقى
الجمله الى عدت دى بتفكرنى برساله على الموبيل لما تفكر ان أنا ما بفكرش فيك الفكره دى بتخلينى أفكر انك بتفكر فيه
رساله مشهوره
المهم ايه التعليق الى انا كنت عايزه اقوله
اه افتكرت
حبيبتى انتى حساسه قوى ورقيقه قوى حاسهانك محتاجه جنه تعيشى فيها بعيد عن البشر
أرجوكى ما تخليش العكرات الخارجيه تأثر على رؤيتك الصافيه للحياه وؤمنى ان دى الدنيا مش الجنه
وايحنا بشر مش ملايكه
وان فيه زى الحلو فيه الوحش
وان ايحنا أخيرا محتاجلنلك أوى وما نقدرش نستغنى عنك
لا اله الا الله
والسلام عليكم ورحمة الله وبركاته
مؤمنة :)
الأهتمام ده بجد حيخلينى أعيط تانى يا حبيبتى انا الى ما أقدرش أستغنى عنكم
شكرا لمشاعرك الحميمة
حمدالله على السلامه يا جميل ويا رب متغبيش تاني
معلش ملحقتش اعرف فيه اية
هو انتى كنتى حتقفلى بجد؟
اومال انا اعمل اية يا بنتى؟؟
دة انا على كدة ايوب
ودة غير النسخة اللى استنسخوها منى كمان
بس مفكرتش فى حكاية اقفل دى
رغم كل اللى حصل واللى حاسة انه حيحصل
شوفى حقك فى التعبير مش منحة من حد
دة حق مكتسب وربنا وهبه لينا
ولو محدش عجبه كلامك يبقا خلاص ميجيش عادى
الدنيا مبتقفش عند حد
قلبى معاكى
وحمدلله على السلامة
لا تعليق لان الشبكة مبتبعتش رسايل لاقمار
آسف فعلاً يا عاليا
والله لم اكن اعلم بما حدث
فلم أكن ادخل النت اساسا الا لماماً
كانت عندي ظروف
ولو كنت اعلم ما تنوينه لهاتفتك فوراً
المهم انكِ بيننا الآن
والى الابد ان شاء الله
تحياتي أختاة
السلام عليكم
بصي يا ستي
مساعة اهو لوجه الله
وبصراحه لغرض شخصي برضه
تدخلي في مدونتك
setting
ومنها تدخلي
comments
هتلاقي الاختيارات رقم 8
show comments in a popup window?
yes or no
اختاري no
وانا هرتاح ساعتها
تحياتي
عزيزتي عاليا
سعيده انك تراجعتي عن موضوع اغلاق المدونه
صدقيني ياعزيزتي كلنا اتعرضنا للهجوم بشكل او بأخر و اغلاق المدونه ليس هو الحل الأمثل
اللي بيهاجم ساعات بيكون بيهاجم لمجرد الهجوم و لا عنده اي فكر مجرد ان بيتضايق ان غيره ناجح و الناس بتحبه
نصيحتي ليكي تحولي اي هجوم لطاقه ايجابيه تدفعك للأمام
اهلا بيكي مره تانيه و يارب اشوف كتاباتك و ابداعاتك دايما و اسمحيلي اقولك ان القصيده جميله و احساسك فيها عالي و من الواضح انك انسانه رقيقه
لكي تحياتي و اتمني ان لا اكون ضيفه ثقيله علي قلبك
بصي بقى يا ستي
اولا انا معرفش حاجة عن موضوع الاعتزال ده انا اول مرة اسمع عنه النهاردة ولو كنت عرفت كنت عملت زيهم بالظبط واكتر شوية
بس المشكلة اني كنت مطحون في الشغل الفترة اللي فاتت دي
ثانيا ايه الكلام الجامد اللي انتي كاتباه ده
اتمنى عودة الشعر تستمر على طول
اسف للتأخير
وحشتني مدونتك اوي
تحياتي
مؤمنة :)
محمد رسول الله
الدمعة :)
ألله يسلمك يا صاحبة الأسم الحزين الجيل المؤث فى نفسى
شهروزة :)
يا حبيبتى أنا عارفة أنك ماتعرفيش ، أنتى عندك حق بس أعمل أيه كانت فترة أكتئاب و بعد حبكوا ده أستحالة أسيبكوا تانى
تحياتى يا شهرزاد التدوين
عروس البحر :)
لا تعليق لأن الشبكة كده ممكن تنفجر من حلاوتك يا مادة خام للقمر
الغالى صاحب البوابة :)
أنت فين يا أبنى ماهو التبجيل الأولانى الى أنت خدت عليه ده حينتهى خلاص ما أنا شفتك يوم الفطار و عرفت سنك الحقيقى و شكلك الصغنون و الناس دى كانت فاكراك قد البوابة كده أكنكشفت خلا حلكمك عادى من غير ألقاب
بطل بأه هاتفتك و لو كنت أعلم أنت حتعمل عليا مثقف روح شوف طولك و طولى
هههههههههه :)))))
الله يسلمك يا مصطفى أنا عارفة شعورك من غير ما تعلق أصلا الله يسلمك
مهند :)
حاضر حاشوف أنا ما أقدرش أخرلك طلب
أجندا حمرا :)
أكرك على شعورك و اهتمامك بس أنتى ليه بتفولى أنك ضيفة تقيلة ؟ أنا باسمع عنك كتير بس بصراحة مادخلتش مدونتك قبل كده
bic cod :)
الله يسلمك يا لغز المدونين أنا عارفة شعورك و جدعنتك من غير ما تقول أنا الى مقصرة معاك بس النت كان قاطع
هاي.. الحمدلله عالسلامة
تفضلي زوري مدونتي الجديدة http://archimanager.blogspot.com
علشان تقوليلي رأيك فيها ونكسبك كصديقة
سلام
عاليا
انا مالحقتش احضر ليه كنت عايزة تسيبي التدوين...
وفاتتني المظاهرة...لكن لا يمكن ابدا
يفوتني اني اقولك...مش مسموحلك ابدا
انك تقطعي اجمل حبل بيربطنا بيكي..حبل الأفكار
انت من أرق البنات الي قابلتهم في حياتي
و يشرفني بشدة اني اعرفك..
مبروك العودة...و يارب ما تعيدها ايام ابدا و نسمع عن ان حد من الحبايب قرر يعتزل ولا حاجة
تحياتي ليكي ي اقمر
حمد الله على سلامتك يا جميلة
انا مبسوطة خالص والله
يارب تفضلى منورة كده دايما
بكلماتك الرائعة الرقيقة
سلام يا قمر
الاول حمدالله على السلامة.. اعتزال ايه اللى سمعت عنه ده .. اغيب كام يوم ارجع الاقى كل ده حصل معقول .. عالياوردة البلوجر و صديقة الكل تعتزل حقيقى زعلان حتى لو كان القرار خلاص اعتزل مجرد التفكير فيه يزعل .. واديكى شايفة اصدقائك و المظاهرة اللى عاملينها ربنا يخليهك ليكى و يخليكى لينا مجاملة و وفيه الى الابد .. اسف على تأخيرى والله ظروف الشغل على شوية تعب و انفلونزا حادة من التكييف منعتنى من الحضور مؤخراً لكن التاج الجميل وصلنى و باجهز فيه مع بعض التعديل البسيط .. بس يا ريت تسمعى نصيحة الاخ مهند علشانان التعليقات لأنها مملة جدا و بتطول على ما تفتح.. تحياتى يا ست الكل
ايه في ايه اللي حصل في الفترة اللي انا كنت غايباها
انتي كنتي عاوزة تعملي ايه تعتزلي ايه وايه الكلام دا
يابنتي بلاش هبل مش هتلاقي حد يستحملك ويسامحك على الكلام دا غيرنا
على العموم انا عذراكي عشان انا واحده اهبل منك وكنت فكرت في يوم اني اقفل المدونه بس صدقني مش هتلاقي حد بيحبك في الله كده زينا
وعلى فكرة جميلة اوي كلماتك
ايوة كده
ابدعي وتألقى
تحياتي
عزيزتي عاليا
اشكرك علي ردك عليا و يعني اهو اول مره الواحده بتدخل عند حد بيكون فه نوع من الخجل بقه و اخلاق عاليه لول
طب كده برضه ده اسمه كلام تسمعي عني كتير و ماتشرفينيش
مدونتي حتزيد نور و الله
تحياتي ليكي و ربنا يسعدك دايما
عودا حميدا
تحياتي
انتى كنتى عايزانا تحرمينا من الكلام الجميل ده
والله حرام عليكى
القصيدة فظيعه
قريتها اربع مرات ورا بعض من حلاوتها بجد
فظيعه
عمار :)
أهلا و سهلا بيك حاضر حازورك من عنيا أحنا نتشرف
سكوت هنصوت :)
الله يسلمك و كلامك ده تعليقى جنبه حيبقى قزم كلك زوق و الله أنتى الى رقيقة و تدخلى القلب بسرعة و يشرفنى أنى أتقرب منك اكتر و أكتر
حازم شلبى :)
انت الى حمد الله ع السلامة البلوج كان ناقصه حاجى كبيرة أوى يا أستاذ و على فكرة أنا مش باجامل و الله ده سبب المشكلة الى حصلت أصلا أنى باكلم على طبيعتى من غير تكليف
لالالالالالالالالالالالالالالا اوعى أوعى اوعى تزعل منى انا ماقدرش على زعلك أبدا
الله يا خليك يا جنتل المدونين مرسى على وصف الوردة ده و يا رب تفضل منورنى دايما و سلامتك ألف سلامة من الأنفلونزا
برنسيس دودو :)
فينك سا أميرة البلوجرز الله يسلم سموك من كل رضى أحنا يهمنا نكل الرضا السامى
سهر :)
و الله يا قمر الموضوع طويل لما تقرى تعليقات البوست الى فات حتعرفى أنا مش عارفة أزاى كنت حسيب القمر ده ؟
سمبتيك :)
أسمك فكرنى بأغنية فلكلور فى فيلم بين القرين : أسمح و زورنى الليلة يا فندم يا سمبتيك خالص يا مهندم
الله يسلمك يا جميل نورتينا
دوحة :)
غلطة و ندمانة عليها أنى كنت حسيبكوا طبعا أنا مجنونة عشان أفكر فى كده تانى ؟ مين يلاقى الحب ده كله و يسيبه
يااااااه ؟ تلات مرات ؟ مش قوى كده أنا على قدى برده بعدين أخد قلم فى نفسى
أجنده حمرا :)
أنا أشكرك على زيارتك و اهتمامك و شعورك ده جميل حقيقى أنا دخلت مدونتك و الحقيقة لقين أننا حنبقى مختلفين فى الرأى كتير أرجوا أنك ماتزعليش منىأنما ع العموم انتى انسانة جميلة و ياريت أسمع عنك قريب أخبار كويسة طبعا أنتى فهمانى بس من غير زعل أرجوكى انا اتمنالك الخير صدقينى زى ما أنتى اتمنتيلى الخير و اهتميتى بيا
ربنا يوفقك
اشكرك عاليا علي ذوقك و كلماتك الرقيقه و ايصالك للرساله بشكل ظريف
اكيد طبعا بتمني ليكي التوفيق و السعاده و ربنا ينجحك دايما
تحياتي ليكي و اتمني انك دايما تكوني بخير
و بشكرك مره تانيه علي ذوقك معايا
حمد الله على سلامتك ولو انها متأخرة شوية
كمال سلطان :)
الله يسلمك لا مش متاخرة و لا حاجة انا عارفة ان مش قصدك التقصير
نورت
Post a Comment