واحشنى و لو ملت السطور الكلمة
يا شوق بنيته و حبيته
و عطرت بيه الدمعة
غصب عنى بتحمل بعادك
كما يتحمل الصبار بعاد النسمة
زيه واقفة صالبة طولى
زيه بروى بالعطش اللهفة
زيه مشتاقة لورد يميل عليا
و يرحمنى من وحدة الصحرة
واحشنى و لو سكن عمرى الأنتظار
مش حقول انت الى ناسى
حقول النجوم هجرت المدار
انا علرفة طبعك مش قاسى
ده القمر هو الى م الشمس غار
و قالى حافضل فى سماكى
أسمع ندى عيونك
و أعشمك بالنهار
و احشنى و لو كرهت عشانك القمر
حرمنى حتى طيفك
خلانى أخاصم السهر
ضيع مودة كانت مع الليل
و ضى الأمل من قربه أنكسر
لا مش أنت الى نستنى
دى الأيام هى الى نسيت
انا وحشاك زى ما أنت واحشنى
بس الساعات هى الى وقفت
حاترجعلى انا عارفة انك حاترجعلى
يمكن المسافات هى الى بعدت
واحشنى و لو عشانك أستنيت المستحيل
يا عنى أيه فراق ؟
معنديش دموع عليه تسيل
انا عندى لحظة لؤى
لمعهتا تنور قناديل
و احشنى و لو كل يوم حاروى الأمل
يا شوق بنيته و حبيته
و عطرت بيه الدمعة
غصب عنى بتحمل بعادك
كما يتحمل الصبار بعاد النسمة
زيه واقفة صالبة طولى
زيه بروى بالعطش اللهفة
زيه مشتاقة لورد يميل عليا
و يرحمنى من وحدة الصحرة
واحشنى و لو سكن عمرى الأنتظار
مش حقول انت الى ناسى
حقول النجوم هجرت المدار
انا علرفة طبعك مش قاسى
ده القمر هو الى م الشمس غار
و قالى حافضل فى سماكى
أسمع ندى عيونك
و أعشمك بالنهار
و احشنى و لو كرهت عشانك القمر
حرمنى حتى طيفك
خلانى أخاصم السهر
ضيع مودة كانت مع الليل
و ضى الأمل من قربه أنكسر
لا مش أنت الى نستنى
دى الأيام هى الى نسيت
انا وحشاك زى ما أنت واحشنى
بس الساعات هى الى وقفت
حاترجعلى انا عارفة انك حاترجعلى
يمكن المسافات هى الى بعدت
واحشنى و لو عشانك أستنيت المستحيل
يا عنى أيه فراق ؟
معنديش دموع عليه تسيل
انا عندى لحظة لؤى
لمعهتا تنور قناديل
و احشنى و لو كل يوم حاروى الأمل
لحد ما يجف النيل
48 comments:
ما كنتش عارف ان حظى حلو كده ... اول واحد اعلق على الكلام الجميل ده .. كده حأبدأ اخاف من المنافسة بس عموماً انا ماليش فى الشعر الغنائى قوى يعنى اطمنى .. حبيت بس أمر أطمن وأسأل لقيت الامور تمام و الحمد لله و بنقول شعر كمان .. تحياتى يا عاليا
انا الى حظى حلو ان ادخل ألاقيك اول تعليق بس مش عايزين الولد أسكندرانى يتقمص
بس ده مش سعر غنائى و لا حاجة انا ساعات كده بتطلب معايا اعبر بالعامية و قليل بصراحة
منورنى دايما بتعليقاتك العزيزة :)
العواف
والله كلام زى العسل
كلام حلو اوى انا كنت مبسوط او وانا بقرأه
واحساس عالى
احييك على الكلام الجميل دا
على فكره انا نورت مدونتى بإضافة مدونتك عندى
دا بعد إذنك يعنى
ومستنى زيارتك
السلام عليكم
ما يوحشك الا كل غالي وعزيز
ولو دموعك تنزل تزيد الغالي تعزيز
تحياتي
عزيزتى
عارفه فى اغنيه لايمان البحر اسمها
ولا عمرك وحشتينى بعشقها وكلمة فيها بتقول وصورتك ننى فى عيونى
ازاى لما نعشق ونحب يوحشنا اللى بنحبه وهو بيكون معانا نصحا نلاقيه نخرج نلاقيه فى كل مكان نفتكره
سؤالك انك وحشاه مفهوش ثقه فى حبه ولا ثقه فى الظروف لانك بعدها تسائلتى هترجعلى وحولتى تقنعى نفسك او تخدعيها عارفه انك هترجعلى
ساعات ناس بنحبها مش بتدينى الثقه انهم بيحبونا زى ما بنحبهم
صدقينى البعد والقرب مش هما اللى بيبعدوا الاحساس بالامان والحب اللى بيبعده اننا نحس اننا بنحب حد اوى وهو بيحبنا بس مش نفس حبنا
كلام جميل ومشاعر حلوة
محتاجه انسان يفهمها كويس ويقدرها
تحياتى يا قمر
صحيح انا هرد على تعليقك واقولك ليه سيبت التعليق الغير محترم ده
سلام
احاسيس صادقة عن الم البعاد والشوق للحبيب وعندى قناعة ان الالم يطهر النفس ويجلو الروح فنرقى ونتسامى
تحياتى لكى
جميل جدا ايه المواهب دى مشاء الله
بجد ممتاز
انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق
عبرتي عن الاحساس اللي متملكني اليومين دول
وقلتي اكتر واحسن واكثر تعبير من اللي كان ممكن يطلع مني
تحياتي
أزيك يا عاليا
كلمات جميلة و أحساس عالي ، أهنئك عليها
البدري
سى السيد :)
يعفيك يا سى السيد أيوة كده ماتحرمناش من طلتك علينا
ههههههههههههه
انا واله سعيدة اوى ان ان كلماتى تنول اعجاب شخصية مثقفة و مفكرة و متاملة زيك بجد ده الى باحسه فى مدونتك وانا الى مدونتى حتنور لما لينكها يضاف عند سى السيد
من شر حاسد أذا حسد من شر النفاسات فى العأد
ههههههههههههه
مهند :)
الله الله الله دا احنا طلعنا جامدين اوى اهوه
أحساس لسة حى :)
اه الأغنية دى حلوة اوى انا بحبها برده و أيمان البحر درويش من الناس الى أغانيهم بتعجبنى و لو انه مقل
يعنى فيه ناس بتكتفى بان الحبيب يبقى ساكن جواهم و فيه ناس بتقبى عايزة تشوفه شخصيا دى احاسيس بتختلف من شخص لأخر
ماشى حاروح أشوف الرد
راجى :)
أيوة فعلا بالألم تسمو الروح دى حقيقة
sasa :)
ربنا يخليكى انتى الى مقالك الأخير كان جامد
حقى اهترل :)
أسم غريب .... بس حلو الأسترسال بتاعك ده نورت عندليبيات
البدرى :)
عود احمد أزيك اخبارك أيه و ازى بنتك جميلة ؟
جميله اوى ياعاليا وفى منتهى الرومانسيه والرقه ايه المواهب دية كلها
يابخته!! اللى حيكون من حقه كل هذا
الحب والمشاعر
تحياتى لك
يأميرتنا الرقيقه
الله جميل قوي
ورومانسي ويصل الي القلب
الحاجات دي كانت فين من زمان؟؟
تحــياتي
اولا اشكرك على زيارة المدونه
اما بالنسبه لموضوع الاسم
سببه وعد منى لصديق
كان بيحب قصيدهليه كنت بقول فيها لما بهرتل احلى فنون
والهرتله كلمه جديده على العاميه بيقولوها الشباب الروش بتاع الايام دى
ارجو حزف هذا التعليق بعد قراءته
اولا اشكرك على زيارة المدونه
اما بالنسبه لموضوع الاسم
سببه وعد منى لصديق
كان بيحب قصيدهليه كنت بقول فيها لما بهرتل احلى فنون
والهرتله كلمه جديده على العاميه بيقولوها الشباب الروش بتاع الايام دى
ارجو حزف هذا التعليق بعد قراءته
هو انا الكومنت بتاعي مش ظاهر عندك؟؟
ولا انتي اللي مش عايزة تردي عليا
:(
مندهش انا أسفة كنت داخلة مستعجلة ماقصدش والله انا حتى نسيت البدرى برده و لما دخلت تانى رديت
ازاى ما اردش باه و انا يرضينى اسيبك كده مندهش ؟
و الله كويس ان كلمى لمسك كده بس لا انت شاعر كبير و تقدر تعبر احسن منى انا متأكدة انا أصلا شايفة أن ( واحشنى ) دى من الحاجات الضعيفة الى عندى ماكنتش فاكرة انها حتعجبكوا كده الا اذا كنتوا باه بتجاملونى
نبضات :)
لا يا منى دى كلمات على قدها كده انا مش شايفاها قوية بس حططتها عشان هى مش حزينة اوى قلت اريحكوا شوية بقالى فترة مشبعاكوا نكد
الأميرة دى لقب يدل على الرقة و لا يجب اننا نكلم عن الرقة و نبضات موجودة :)
ابن ناصر :)
يا نهار أبيض ...... أنت الى كنت فين من زمااااااااااان
نورت و الله حسيت ان حد مهم كده شرفنى بالزيارة ، سلام على الاحرار
حقى اهترل :)
العفو على أيه ده واجب و لازم نقوم بيه
ربنا يخليلك صاحبك و تدوم عليكوا نعمة الصداقة
ازيك يا عاليا اخبارك ايه؟
ايه الكلمات الجميله دي
انتي شاعره بقي
تسلم ايدك
تحياتي لكي
مش حاقول انت اللى ناسى
حاقول النجوم هجرت المدار
كلام جميل واحساس مرهف
ربنا يقرب البعيد
ويلم الشمل
رائع ياعاليا
كعادتك دائما
تحياتى وسلامى
جميل ما كتبتي
كالعاده احساس راقي ومشاعر فياضه
السؤال بقى
ولكي مطلق الحريه في عدم الاجابه
ادم بيقرا الكلام ده
وش بيغمز
دمتي بخير
غريب كلامك
واغرب معانيه
غريب علينا لاننا من زمان بطلنا نقرا كلام يعبر عن اللى فى قلوبنا لشئ ما او لشخص ما
بجد كلماتك اقل وصف ليها انها رائعه واسمحيلى انى احتفظت بيه عندى علشان اقراها دايما
رغم
ان دموعك اغلى من اغلى غالى
بالزمة مش كان حرام نتحرم من الكلام الجميل دة
عجبتني جدااا
واحشنى و لو سكن عمرى الأنتظار
مش حقول انت الى ناسى
حقول النجوم هجرت المدار
انا علرفة طبعك مش قاسى
ده القمر هو الى م الشمس غار
و قالى حافضل فى سماكى
أسمع ندى عيونك
و أعشمك بالنهار
إيه يا قمر الرومانسية الجميلة دى
كلمات من القلب دخلت قلوبنا
إحساسك حلو يا عاليا
ربنا يقرب لك البعيد
ويهنيكى يا عاليا يا رب
تحياتى لك ايتها الحالمة الرائعة
سيدى يا سيدى
والله وانتى كمان وحشانى يا عاليا
طبعا تقصدينى صح
انا قلت ابعد عنك العين بس
هههه
;)
rack-yourmind :)
الحمد لله انت الى ازيك ايه اخبارك
يا عم ولا شاعرة و لا حاجة انا على قدى
klmat :)
ربنا يخليك ده عشان ذوقك و حاساسك جميل بتقولى كده
أسكندرانى أوى :)
جيت متأخر ليه يا كلبوظة مش قلنا عايزين نزود الاربع المخرومة الى باشلهوملك فة البوستة عشان ينفعوك لما تكبر ؟ ماشى
انا اقدر ما اجوبش على اسالتك ؟ و الله يا ابو اسكندر هى القصيدة دى قديمة الجديدة حسبك تعرفها لوحدك حتنزل قريب
وش بيغمز
samoo :)
يا ابنى فكها شوية لا لسة فيه مشاعر كويسة ان شاء الله
احتفظ بيها زى ماانت عايز ده نجاح باهر ليا
و متشكرة على كلامك الجميل
كراكيب عادل :)
اهلا بيك منورنى دايما انا سعيدة انها عجبتك يا فنان
قسمت :)
انتى الى قمر و الله ربنا يخليكى و تدعيلى كده على طول
لماضة :)
انتى حتتلامضى فى دى كمان
هههههههههههه
انا بحب لماضتك ع العموم و انتى فعلا بتوحشينى بجد مش مجاملة
ايه يا بنتي الكلام الجامد ده
كلمات جميلة فعلا
أيه الرقى ده يا عاليا
و علو و سمو المشاعر الراقيه
ربنا يحفظك يا عاليا
فعلا أسم على مسمى
شكرا ياعاليا على اهتمامك بالتعليق في مدونتي وبالنسبة لقصيدة وحشني فكلماتك جميلة اوي وربنا يوفقك ونرى المزيد من الكتابات
Very Romantic ya 3aliaa
بصي يا عاليا هي حلوة ومليانه احساس بس ركزي يا فصحي يا عاميه
عشان تدفق الفكره الجزء الاول
واحشنى و لو ملت السطور الكلمة
يا شوق بنيته و حبيته
و عطرت بيه الدمعة
غصب عنى بتحمل بعادك
كما يتحمل الصبار بعاد النسمة
زيه واقفة صالبة طولى
زيه بروى بالعطش اللهفة
زيه مشتاقة لورد يميل عليا
مش عارفه مفروض الصبار بيتحمل بعاد الندا او الميه مش النسمه
واحشنى و لو سكن عمرى الأنتظار
مش حقول انت الى ناسى
حقول النجوم هجرت المدار
انا علرفة طبعك مش قاسى
ده القمر هو الى م الشمس غار
و قالى حافضل فى سماكى
أسمع ندى عيونك
و أعشمك بالنهار
الجزء دا رائع ولغته الشعريه قويه وتشبيهاته معبرة وراقيه
احشنى و لو كرهت عشانك القمر
حرمنى حتى طيفك
خلانى أخاصم السهر
ضيع مودة كانت مع الليل
و ضى الأمل من قربه أنكسر
لا مش أنت الى نستنى
الجزء دا مفكك شويه لان القمر والسهر متلازمان
طالما سهرانه يبقي فيه قمر
واحشنى و لو عشانك أستنيت المستحيل
يا عنى أيه فراق ؟
معنديش دموع عليه تسيل
انا عندى لحظة لؤى
لمعهتا تنور قناديل
و احشنى و لو كل يوم حاروى الأمل
لحد ما يجف النيل
الجزء دا جميل اوي واحساسه عالي
تحياتي
وحاولي توسطني الكتابه وسط الصفحه
ملاك التدوين عاليا حليم
السلام عليكم ورحمة الله وبركاته
والله انا عارفه ولا كل كلمات الاعتذار تقدر تتأسف عن تأخيرى ما تصوريش انا زعلانه من نفسى قد ايه انا عارفه انك مش هتزعلى منى بس انا زعلانه من نفسى صلحى نفسى على نفسى باءه
انا اسفه يا حبيبة قلبى ما تصوريش انا مشغوله اليومين دول قد ايه
ادعيلنا
بالنسبه لموضوع الشواذ لا فوض فوكى هو دى الكلام وهى دى عاليه دايما صاحبة موقف ومبدأ ربنا يزيدك دايما يا حبيبتى
وايه باءه الرومانسيه دى والرقه والحلاوه والعسل انتى خلتينى اوحش نفسى
الى الامام دوما تسعدينا بكلماتك العطره التى لا تسأم ولا تمل
أتركك فى رعاية الله لا اله الا الله
والسلام عليكم ورحمة الله وبركاته
rack-yourmind :)
ازيك انت عامل ايه ؟ و لا شاعرة و لا حاجة دى مجرد خواطر يعنى انا على قدى
كلمات :)
ربنا يخليكى و متشكرين اوى ع المساندة دى يعنى
فى القلب :)
لا لا ده كلام كبير اوى عليا
نورتينى بزيارتك
العندليب :)
انا الى أشكر على الاهتمام حاسة زى ما يكون واحد بلدياتى دخل هنا
منور
he & she :)
كويس انها رومانسية و عجبتك معلش انا مقصرة معاك شوية يا مستر
بنت القمر :)
ايوة كده حد يتناقش معايا كده و يقولى الغلط بتاعى مش مجرد مجاملة
جدعة يا بنت القمر
بصى هو انا ساعات بتطلب معايا اعبر بالعامية لكن اكتر الى عندى بالفصحى و انا باميله اكتر العامية قليل عندى أوى
هو انا اخدت تحمل الصبار الحياة بدون ماء و لا هواء و لا ندا و استخدمتها كتشبيه عجبنى مش لازم ناخد فى الشعر المعنى العلمى للكلمة
انا قصدت بخاصمت السهر انى كرهته من كتر ما طال عليا يعنى انا سهرانة مع القمر كتير اوى لحد ما اضايقيت بس هو يمكن اكون اخطأت التعبير
بالنسبة لوسطنة الكلام باه يا ريت و النبى حد يساعدنى لانى ماعنديش لا فونتان و لا وسطنة او محازاة أو ألوان زى ما بتشوفوا على طول كده مش عارفة ليه يا ريت تساعدونى فى الموضوع ده اكون شاكرة جدا
مؤمنة :)
لا انا ما يخلصنيش حاصلحكوا على بعض ضرورى ان شاء الله
كويس اشكرك على مساندتك فى موضوع الشواذ ده
و سعيدة ان قصيدتى المتواضعة دى عجبتك بس يارب ما تكونيش بتجاملينى
الف ألف حمد الله ع السلامة
اممممممممممممممممم
وبعدين
انتى وحشانى أكتر
كل يوم بتظهرلك مواهب جديدة
ربنا يستر علينا
جميل قويالكلمات والاجمل الاحساس الي فيها واننا نلتمس للاخرين الاعذار وخصوصا الحبيب سلامي ليكي يا صاحبة الحس المرهف
اسكندرانى اوى :)
و لا قبلين تابع انت باه
عين بتغمز
كمال سلطان :)
اظن مايصحش الهزار بالطريقة ، يا ريت ما تكررش تانى من فضلك
قلوب حائرة :)
يعنى لو انا صاحبة الحس المرهف امال انتى تبقى ايه ؟
السلام عليكم
كلمات جمييييييييله وإحساس أجمل
منتهى الرقه في إختيار الألفاظ ومنتهى الرقي في الأسلوب
الله عليكي ياعاليا
احييكي على كلماتك الاكتر من رائعة دي
وبجد مش عارفه اقولك ايه تاني
خلي بالك على الامل اوعي يجف
علاء سلام :)
حمد الله ع السلامة اولا ايه الغيبة الطويلة دى يا راجل يا محترم انت ؟
الأسلوب الراقى عندك يا علاء متشكرة على كلماتك
سهر :)
و انتى كمان حمد الله ع السلامة بقالك فترة ما بتكتبيش حاجة جديدة خير ؟
حاضر حخلى عندى امل حاعمل بوصيتك
نورتى ليلى يا سهر :)
أيه الكلام الجميل ده
بجد أحساسك رائع
تحياتى لكى
السلام عليكم ورحمة الله وبركاته
لا مش مجامله
الكلمات اعلى من مستوى المجامله
والسلام عليكم ورحمة الله وبركاته
bos bos :)
متشكرة جدا على رقتك يا بوسى
مؤمنة :)
ربنا يخليكك يا حبيتى ده برده عشمى يعنى
كلامك حلو
فصيح ومن القلب
لو الشوق بيخليكى تكتبى الكلام الحلو ده
أمال اللقاء هيخليكى تكتبي ايه
تحياتى عاليا
arabic-id :)
ازيك ليك وحشة يا راجل يا طيب
لا ده كلام كبير عليا يا ريتنى اكون قده و اللقا حتقراه قريب ان شاء الله
منورنى دايما
العزيزة عاليا حليم
مهما أقول لك عن مدى إحساسى بكلماتك الجميلة موش حقدر
على فكرة إنتى إنسانة حساسة جداً وده واضح من كل حرف من حروفك
بجد تسلمى على هذه الكلمات الأكثر من
رائعة
تحياتى ليكى يا عاليا
اميرة :)
اسعدتنى زيارتك فعلا و كلماتك الى حاسة انها أكبر من حجمى أوى شكرا على لطفك و ده له معنى كبير عندى انى كلماتى توصل لأحساس الى بيقرا
أشكرك من كل قلبى
Post a Comment